Ulttyq bank resmı qaıta qarjylandyrý mólsherlemesin taǵy tómendetýi múmkin
ALMATY. 7 maýsym. QazAqparat - Jyldyq ınflıatsııa deńgeıi aldaǵy aılarda da turaqty bolatyn bolsa, resmı qaıta qarjylandyrý mólsherlemesi tómendetilýi múmkin.
Bul týraly Ulttyq banktiń tóraǵasy Grıgorıı Marchenko búgin aqparat agenttikteriniń jýrnalısterimen bolǵan kezdesý barysynda aıtty.
«Qazir 12 aılyq ınflıatsııa deńgeıi 5 paıyzdy quraıdy. Eger bul kórsetkish birneshe aı boıy saqtalatyn bolsa Ulttyq bank jyldyq resmı qaıta qarjylandyrý mólsherlemesin 5,5 paıyzǵa deıin tómendetedi», - deıdi G.Marchenko.
QR Ulttyq bankiniń Basqarmasy buǵan deıin 4 maýsymnan bastap resmı qaıta qarjylandyrý mólsherlemesin 6 paıyz deńgeıinde belgileýge qaýly qabyldaǵan bolatyn.
Bas bankırdiń aıtýynsha, ol jazdyń alǵashqy aıynda 6,5-ten 6 paıyzǵa deıin azaıtyldy. Jalpy sońǵy 3 jylda ınflıatsııanyń tómendeýine baılanysty nesıe boıynsha da, depozıt boıynsha da mólsherlemeniń kemý úrdisi júrip jatyr.
