Ulttyq bank Problemaly kredıtter qory men BJZQ-ny baqylaýynan shyǵarý boıynsha usynys ázirleýde

ASTANA. QazAqparat - Ulttyq bank Problemaly kredıtter qory men BJZQ-ny baqylaýynan shyǵarý boıynsha usynys ázirleýde. Búgin Úkimettiń selektorlyq rejimdegi otyrysynda Ulttyq bank tóraǵasy Danııar Aqyshev osylaı dedi.

«Ulttyq bank Memleket basshysynyń tapsyrmasyna sáıkes, Problemaly kredıtter qory men Biryńǵaı jınaqtaýshy zeınataqy qoryn Ulttyq bank baqylaýynan shyǵarý boıynsha usynys ázirlenip jatyr», - dedi ol.

D.Aqyshevtiń aıtýynsha, qazirgi ýaqytta Ulttyq bank Úkimetpen birlesip birneshe nusqany qarap jatyr. Olardyń ishindegi eń tıimdisi Ulttyq banktiń qyzmetine tán emes qyzmetterdi berý bolyp otyr.

«Bul sheshimder qabyldanǵanǵa deıin jáne Úkimettiń keńeıtilgen otyrysynda Memleket basshysy bergen tapsyrmalardy oryndaý úshin Ulttyq bank belgilengen baǵyt boıynsha Biryńǵaı jınaqtaýshy zeınetaqy qoryn ınvestıtsııalaýdy qamtamasyz etetin bolady», - dedi UB tóraǵasy.