Ulttyq bank ótken aptada 421,9 mln AQSh dollaryna valıýtalyq óktemdik júrgizdi

NUR-SULTAN. QazAqparat - Álemniń qarjy naryǵyndaǵy jaǵdaı áli de bolsa qubylyp tur. Іshki valıýta naryǵyndaǵy ahýaldyń turaqsyzdanýyna jol bermeý úshin 9 naýryzda Qazaqstan qor bırjasynda dollar-teńge juby boıynsha saýda-sattyq Frankfýrt aýktsıonyna saı ótkizildi, onyń qorytyndysy boıynsha Ulttyq Banktiń valıýtalyq ınterventsııalary 198,9 mln AQSh dollaryn nemese bir kúngi saýda-sattyqtaǵy jalpy kólemniń 94,4%-yn qurady.

Syrtqy kútpegen ózgeristerdiń el ekonomıkasyna qaraı aýysýyn boldyrmaý úshin jáne ishki valıýta naryǵyndaǵy balansty qoldaý maqsatynda Ulttyq bank valıýtalyq ınterventsııalar júrgizedi. Ótken aptada olardyń kólemi 421,9 mln AQSh dollaryn nemese bırjalyq saýda-sattyqtyń jalpy kóleminiń 59,2%-yn qurady.

Ulttyq qordan respýblıkalyq bıýdjetke transfertterdi qamtamasyz etý úshin valıýta satý ótken aptada 240,2 mln AQSh dollaryna shyqty. Ulttyq banktiń valıýtalyq ınterventsııalary men Ulttyq qordan satý úlesi saýda-sattyqtyń jalpy kóleminiń 92,9%-yn qurady.

Qysqa merzimdi perspektıvada teńgeniń qubylmalylyǵy sanktsııalyq rıtorıkaǵa, ishki qatysýshylardyń kútýlerine jáne álemdik naryqtardaǵy jaǵdaıǵa baılanysty bolady. Bul rette Ulttyq bank ekonomıkadaǵy qurylymdyq ózgerister men aıyrbastaý baǵamynyń erkin qalyptasý qaǵıdattaryna beıimdilik qajetti talaby bolyp tabylatyn ınflıatsııalyq targetteýdiń tolyqqandy rejımine aýysý boıynsha jumysyn jalǵastyratynyn atap ótken jón.