Ulttyq bank oǵash qylyǵymen kózge túsken bank qyzmetkerleriniń «qara tizimin» engizýdi usyndy
ASTANA. 10 qańtar. QazAqparat - QR Ulttyq banki menedjer retinde oǵash qylyǵymen kózge túsken bank qyzmetkerlerin qarjy salasynda jumys isteýine shekteý qoıý qajet dep esepteıdi.
Bul týraly búgin elordada ótken dóńgelek ústel barysynda QR Ulttyq banki tóraǵasynyń orynbasary Danııar Aqyshev málim etti.
Onyń atap ótýinshe, ol úshin atalǵan sanatqa jatatyn qyzmetkerlerdiń «qara tizimin» engizý kerek.
«Biz bolashaqta osyndaı usynys jasaıtyn bolamyz. Bul oraıda adamnyń konstıtýtsııalyq quqyǵy týraly másele týyndaıdy. Biraq ta qandaı da bir ymyralastyq qajet. Bizdiń kózqarasymyzsha, kez kelgen jaǵdaıda da qarjy uıymynyń menedjerligine jiberýge bolmaıtyn adamdardyń «qara» ne bolmasa «sur» tizimi bolǵany durys», - dedi ol.
Osy rette D.Aqyshev bul máseleni zańnamalyq turǵyda bekitý qajettigin alǵa tartty.
