Ulttyq bank naýryzda qarjy naryǵy nege jıi qubylǵanyn túsindirdi
«Geosaıası táýekelderdiń iske asýy jáne AQSh Federaldy rezerv júıesiniń monetarlyq saıasatyn kúsheıtý álemdik qor ındeksterin túzetýge ákeldi. Naýryzdyń sońyna qaraı damyǵan elder aktsııalarynyń ındeksi 5,5%-ǵa tómendep, AQSh-tyń 10 jyldyq memlekettik baǵaly qaǵazdarynyń kiristiligi 2,34%-ǵa deıin 83 bazıstik tarmaqqa ósti. Inflıatsııalyq qysymnyń ósýine baılanysty Federaldy rezerv júıesi 2018 jylǵy jeltoqsannan bastap alǵash ret negizgi stavkany 25 bazıstik tarmaqqa kóterdi», - dedi Ulttyq bank tóraǵasy búgingi Úkimet otyrysynda.
Onyń aıtýynsha, bıyl negizgi stavka 1,9%-ǵa deıin 7 ret kóterilýi kútilýde, kelesi jyly 2,8%-ǵa deıin 4 ret kóterilýi múmkin.
Sondaı-aq, Federaldy rezerv júıesi jaqyn arada óz balansyn qysqarta bastaıdy.
«Geosaıası jaǵdaıdyń nasharlaýynan jáne monetarlyq saıasattyń kúsheıýinen ınvestorlardyń qorǵaýshy aktıvterge aýysýy baıqalady. AQSh dollarynyń ındeksi damyǵan elderdiń valıýtalaryna qarsy 2,8%-ǵa nyǵaıdy. Taýar jetkiziliminiń buzylýy, ınflıatsııanyń kúsheıýi men geosaıası shıelenis sebebinen Global Composite PMI ındeksi naýryzda 52,7-ge deıin baıaýlady», - dedi Ǵ. Pirmatov.