Ulttyq bank naýryzda 1,4 mlrd dollarǵa ınterventsııa jasady

ALMATY. QazAqparat – QR Ulttyq banki tóraǵasynyń orynbasary Álııa Moldabekova valıýta naryǵyndaǵy ınterventsııalar týraly aıtty, dep habarlaıdy QazAqparat tilshisi.

«Ulttyq bank ınterventsııa júrgizdi. Bul eldegi qarjylyq turaqtylyqty qamtamasyz etý men qıyn sátte qarjylyq naryqtyń durys jumys isteýine yqpal etti. Munaı baǵasynyń kúrt tómendeýi jaǵdaıynda syrty faktorlardyń ishki valıýta naryǵyna keri yqpalyn azaıtý maqsatynda 10 naýryzdan bastap Ulttyq bank 1487,6 mln AQSh dollary kóleminde ınterventsııa jasady. Interventsııa bırja naryǵynda ádettegi saýda túrinde de, frankfýrt aýktsıony túrinde de ótti», - dedi Á. Moldabekova.

Onyń aıtýynsha, júrgizilgen ınterventsııalarǵa qaramastan aı qorytyndysyna sáıkes halyqaralyq rezervter 80 mln dollarǵa artyp, $29,97 mlrd boldy. Konvertatsııalanatyn valıýta rezervi $10,3 mlrd-qa artqan.

Naýryzda Ulttyq bank Ulttyq qordy qalyptastyrý maqsatynda altyn valıýta aktıvterinen 300 mln AQSh dollary kóleminde altyn satty.