Ulttyq bank memlekettik baǵdarlamalarǵa qatysýdy tómendetedi
«Ulttyq bank saýalda usynylǵan qurylymdyq qaıta qurýlardyń qajettiligi týraly ustanymmen kelisedi jáne óz tarapynan mynadaı máselelerdiń mańyzdylyǵyn atap ótedi: ımportqa táýeldilikti tómendetý, memlekettiń ekonomıkaǵa qatysýyn qysqartý, naryqtyq qarjylandyrý úlesin arttyrý, fıskaldyq saıasattyń teńgerimdiligin arttyrý jáne ekonomıkany qoldaýdyń memlekettik tetikterin qaıta qaraý.
Bul ekonomıkanyń turaqty ósýin qamtamasyz etip qana qoımaıdy, sonymen qatar Ulttyq bank júrgizetin aqsha-kredıt saıasatynyń tıimdiligin arttyra otyryp, ınflıatsııany baqylaýdy aıtarlyqtaı jaqsartady. 2030 jylǵa deıingi aqsha-kredıt saıasatynyń strategııasyna sáıkes Úkimetpen birlesip atalǵan baǵyttar boıynsha sharalardy josparly iske asyrý bastaldy», - dep jazady Ǵalymjan Pirmatov.
Sondaı-aq ol Ulttyq bank ekonomıkany kredıtteýge memlekettiń qatysý úlesin tómendetý úshin memlekettik baǵdarlamalardan shyǵý protsesin jalǵastyrýda. Bul ekonomıkany qoldaý sharalaryna odan ári qatysý onyń mindetterine qaıshy keletindigine jáne baǵa turaqtylyǵyn qamtamasyz etýdiń eleýli táýekelderine alyp keletindigine baılanysty mańyzdy. 2021 jyly 7 baǵdarlamanyń 5-in qarjylandyrý toqtatyldy. Aıaqtalǵan baǵdarlamalardyń bıýdjeti 2,6 trln teńge boldy», - delingen jaýapta.