Ulttyq bank memlekettik baǵdarlamalarǵa 2,3 trln teńge bóledi

ALMATY. QazAqparat – QR Ulttyq banki tóraǵasynyń orynbasary Aqyljan Baımaǵambetov memlekettik baǵdarlamalardy qarjylandyrý týraly málim etti, dep habarlaıdy QazAqparat tilshisi.

«Jalpy alǵanda QR Ulttyq banki memlekettik baǵdarlamalarǵa 2,3 trln teńge qarajat bóledi. Bul qarjylandyrý daǵdarysqa qarsy pakettiń 50 paıyzyn qurap otyr. Ulttyq bank «7-20-25» baǵdarlamasyn qarjylandyrýdy jalǵastyryp keledi», - dedi Aqyljan Baımaǵambetov «Koronavırýs pandemııasy kezinde qarjylyq sektordyń damýy» atty dóńgelek ústelde.

Onyń aıtýynsha, qarapaıym zattar ekonomıkasy baǵdarlamasyn qarjylandyrý 400 mlrd teńgeden 1 trln teńgege deıin ósti.

Sonymen qatar, kásipkerlik sýbektileriniń jeńildikpen nesıelendirý baǵdarlamasyna 800 mlrd teńge jumsaldy.

«2020-2021 jyldarǵa arnalǵan jumyspen qamtýdyń jol kartasy 2020-2021» aıasynda QR Ulttyq banki respýblıkalyq bıýdjetten bólingen qarajatqa qosymsha 600 mlrd teńge qarastyrdy.

Al «Nurly jer» jáne «5-10-20» baǵdarlamalary aıasynda 390 mlrd teńge bólingen.