Ulttyq bank maýsym aıynda qansha tranzaktsııa júrgizilgenin jarııalady
«2022 jylǵy 1 shildedegi jaǵdaı boıynsha Qazaqstan aýmaǵynda 19 tólem júıesi qamtylǵan. Onyń ishinde Ulttyq banktiń tólem júıeleri, aqsha aýdarym júıeleri, tólem kartasy júıeleri jumys isteıdi. 2022 jylǵy maýsymda Ulttyq banktiń tólem júıeleri (Bankaralyq aqsha aýdarý júıesi jáne Bankaralyq klırıng júıesi) arqyly 63,3 trln teńgege 5,2 mln tranzaktsııa júrgizildi. Ortasha alǵanda, bir kúnde kórsetilgen tólem júıeleri arqyly 2,9 trln teńgege 234,7 myń tranzaktsııa júrgizildi», - delingen Ulttyq bank málimetinde.
2022 jylǵy 1 shildedegi jaǵdaı boıynsha 19 bank pen «Qazposhta» AQ Qazaqstanda tólem kartalaryn shyǵardy. Emıssııalanǵan jáne taratylǵan tólem kartalarynyń jalpy sany 60,2 mln boldy. Onyń ishinde 2022 jylǵy maýsymda tólem kartalarynyń 50,2 paıyzy (30,2 mln tólem kartasy) qolma-qol aqshasyz operatsııalardy jáne qolma-qol aqshany alý operatsııalaryn júrgizý úshin paıdalanyldy.
«Qazaqstandyq emıtentterdiń tólem kartalaryn paıdalana otyryp, 2022 jylǵy maýsymda 10,8 trln teńgege 768,7 mln tranzaktsııa júrgizildi (2022 jylǵy mamyrmen salystyrǵanda tranzaktsııalar sany 4%, somasy – 11,0% ulǵaıdy). Qazaqstandyq emıtentterdiń tólem kartalary paıdalanylǵan operatsııalardyń sany boıynsha qolma-qol aqshasyz tólem operatsııalarynyń úlesi 97 % (745,6 mln tranzaktsııa) boldy. Osy kezeńdegi qolma-qol aqshasyz operatsııalar kóleminiń úlesi 81,9 paıyzǵa (8,8 trln teńge) jetti», - dep atalyp ótken UB aqparatynda.
2022 jylǵy maýsymda halyqaralyq aqsha aýdarymy júıeleri arqyly jiberilgen aqshanyń jalpy kólemi 118,4 mlrd teńgege 0,28 mln aýdarym boldy. 2022 jylǵy mamyrmen salystyrǵanda, aqsha aýdarym kólemi 7,5% ulǵaıdy. Qazaqstannan tys jerlerge jiberilgen aýdarymdardyń jalpy kólemi ishinen tranzaktsııalar sanynyń 93,6% (0,26 mln tranzaktsııa) jáne jalpy somasynyń 88,2% (104,4 mlrd teńge) jiberildi. Qazaqstan boıynsha aqsha aýdarym júıeleri arqyly jalpy sanynyń 6,4% (0,02 mln tranzaktsııa) jáne jalpy somasynyń 11,8% (14 mlrd teńge) júrgizildi. Shetelden halyqaralyq aqsha aýdarym júıeleri arqyly 91,9 mlrd teńgege 0,18 mln tranzaktsııa alyndy.