Ulttyq bank makroekonomıkalyq kelisimniń ekonomıkaǵa áseri týraly aıtty
Onyń aıtýynsha, makroekonomıkalyq saıasat boıynsha sharalardy úılestirý týraly Kelisim Ulttyq bankpen alǵash ret 2019 jyly turaqty jáne teńgerimdi ekonomıkalyq ósýdi Úkimetpen birlesip qamtamasyz etý maqsatynda qolǵa alynǵan.
Kelisim 2020 jyly buryn-sońdy bolmaǵan jahandyq daǵdarys jaǵdaıynda óz jumysyn jalǵastyrdy, biraq Úkimet pen Ulttyq banktiń negizgi kúshteri koronavırýs pandemııasynyń saldarymen kúresýge baǵyttaldy. Ýaqytynda qabyldanǵan úılesimdi sharalar ekonomıkanyń tereń quldyraýyn boldyrmaýǵa, ınflıatsııany tejeýge jáne halyq pen bıznesti bir ýaqytta qoldaýǵa múmkindik berdi.
Bıyl Ulttyq bank Úkimetpen birge kelisimdi jańartyp, josparlaý kókjıegin 3 jylǵa deıin keńeıtti jáne úshinshi tarap retinde Qarjy naryǵyn retteý jáne damytý agenttigin qosty.
«Kelisimniń negizgi maqsaty ózgerissiz qaldy, bul – halyqtyń ál-aýqatyn jáne ómir súrý deńgeıin arttyrý, árıne, bunyń ekonomıkany qalpyna keltirý kezeńinde mańyzy zor edi. Osy maqsatta tıimdi makroekonomıkalyq saıasatty, onyń ishinde bıýdjettik, aqsha-kredıttik, qarjylyq jáne basqa da saıasat máselelerin iske asyrý úshin qajetti birlesken is-sharalar belgili boldy. Kelisimniń barlyq taraptary kelisilgen saıasatty júrgizý boıynsha ózara mindettemelerin bekitedi. Birlesken kúsh-jiger makroekonomıkalyq turaqtylyqty qamtamasyz etýge, ekonomıkany qoldaýǵa jáne onyń ózgergen syrtqy jáne ishki jaǵdaılaryna beıimdeýge baǵyttalatyn bolady»,-deıdi Aqyljan Baımaǵambetov.
Birlesken is-sharalar úsh baǵytta júzege asyrylady – makroekonomıkalyq turaqtylyqty arttyrý, qarjy sektoryn jáne onyń ınfraqurylymyn damytý, sondaı-aq uzaq merzimdi ekonomıkalyq ósýdiń áleýetin kúsheıtý.
Ulttyq bank óz kezeginde ınflıatsııany targetteý rejımi men teńgeniń ózgermeli aıyrbas baǵamy aıasynda turaqty ekonomıkalyq ósýge yqpal ete otyryp, ınflıatsııany ret-retimen tómendetip, ony tómen deńgeıde ustap turýǵa nıetti.
«Úkimetpen birge naryqtyq ótimdilikti ekonomıka qajettilikteri úshin tıimdi paıdalaný jáne kiristiń qısyq syzyǵyn qurý úshin memlekettik baǵaly qaǵazdar naryǵyn damytý boıynsha sharalar qabyldanady. Bul damýshy elderdiń halyqaralyq ındeksterine qazaqstandyq memlekettik baǵaly qaǵazdardy qosýǵa múmkindik beredi, ınvestor tartýǵa, qarjy naryǵyn damytýǵa jáne ekonomıkanyń turaqtanýyna, bıýdjet tapshylyǵyn qarjylandyrý kózderin ártaraptandyrýǵa kómektesedi»,- deıdi Ulttyq bank tóraǵasynyń orynbasary.
Sonymen qatar, ol ekonomıkanyń syrtqy kúızelisterge beıimdiligin arttyryp, ınflıatsııanyń turaqty tómendeýine jaǵdaı jasaý úshin Úkimet pen Ulttyq bank 2022 jyldan bastap bıýdjettik tártipti arttyrýǵa jáne taýarǵa degen táýeldiligin tómendetýge múmkindik beretin jańa bıýdjettik ereje engizetinin atap ótti.
«Sonymen birge, Ulttyq Bank halyq pen bıznes úshin tranzaktsııalyq shyǵyndardy azaıtyp, qarjylyq qyzmetterdiń qol jetimdiligin arttyryp, básekelestikti keńeıtý úshin ulttyq tólem júıesin qurý isin jalǵastyrady. ıAǵnı, 2022 jyldan bastap áleýmettik ámııandy engizip, ony odan ári ulttyq taýar taratý júıesimen ıntegratsııalaý josparlanyp otyr»,-deıdi spıker.
Ulttyq bank tóraǵasynyń orynbasary Aqyljan Baımaǵambetovtyń sózinshe, ekonomıkanyń jańa qurylymyn qalyptastyrý boıynsha júrgizip jatqan Úkimet jumysy tıimdi aqsha-kredıt saıasatyn júzege asyrý úshin óte mańyzdy.
«Sol úshin agroónerkásiptik keshenniń, ındýstrııalandyrýdyń áleýetin ashý arqyly ekonomıkany ártaraptandyrý boıynsha sharalar qabyldanady, bul bıznesti qoldaýdyń janama quraldaryna kóshýdi eskere otyryp, tólem balansynyń turaqtylyǵyn qamtamasyz etýde syrtqy saýda saıasatyn júrgizedi. Kelisimdi iske asyrýdy úılestirý aralyq ındıkatorlar men jaýapty oryndaýshylardy anyqtaıtyn Jol kartasy arqyly júzege asyrylady»,- dep atap ótti Ulttyq bank ókili.
Qabyldanǵan sharalardy jáne ekonomıkalyq saıasattyń basymdyqtaryn jańartýdy júıeli túrde baqylaý jáne talqylaý nátıjeleri boıynsha Kelisim jyl saıyn jyljymaly negizde 3 jyldyq merzimge bekitiletin bolady.
Buǵan deıin, Asqar Mamın 2021 - 2023 jyldarǵa arnalǵan makroekonomıkalyq saıasat sharalaryn úılestirý týraly kelisim ekonomıkanyń damytý úshin jańa ınstıtýtsıonaldyq jaǵdaı jasaıtynyn aıtqan bolatyn.
Keıin bul qujat Úkimet otyrysynda talqylandy.
Aıta keteıik,Ulttyq bank tóraǵasy Erbolat Dosaev makroekonomıkalyq saıasat sharalaryn úılestirý týraly kelisimdi qoldaıtynyn málim etken edi.