Ulttyq bank qysqamerzimdi notalardy satylymǵa shyǵardy
Jańa joba boıynsha qazaqstandyqtar «Invest online» qosymshasyn júktep alyp, Ulttyq banktiń qundy qaǵazdary - notalardy satyp, nemese satyp ala alady.
Qazir bas bank jyldyq tabysy 8,5% , quny 50 mlrd teńge bolatyn notalardy naryqqa shyǵardy.
«Búgin bir nota 92,19 teńge turady. Erteń 92,21 teńge bolady. Arǵy kúni - 92,23 teńge bolýy múmkin. Bir jyldan soń 100 teńge bolýy yqtımal. Bıznes shemasy óte qarapaıym, táýekel joq. Notany satyp alyp búgin satyp jiberseńizder de shyǵynda qalmaısyz. Erteń sol notany satý arqyly siz kóbirek qarjy tabasyz», - dedi QR Ulttyq bankiniń tóraǵasy Danııar Aqyshev.
Qazirgi tańda nota saýdasynyń qarapaıym modeli jumys jasap tur. Tutynýshylar emıtentten satyp alyp, soǵan qaıta satyp jiberýine bolady.
Bolashaqta adamdar bir-birimen saýdalasatyn bolady.
«Tabys kúndelikti eseptelip otyrady. Siz kez-kelgen ýaqytta notany satyp, ústinen túsken aqshany kóre alasyz. Tabystyń túsip jatqanyn Invest Online kabıneti arqyly kórýge bolady», - dedi ol.
Bul onlaın servıs tek qana Qazaqstan azamattaryna ǵana qoljetimdi. 
«Tirkelý úshin HQKO-dan elektrondy qoltańba nemese BJZQ-dan ashylǵan jeke kabınet bolýy kerek. Nemese ortalyq depozıtarııde shotyńyz bolsa, sodan ala alasyz», - dep tolyqtyrdy bas bankır.
Onyń aıtýynsha Invest Online qosymshasyn Ulttyq bank qyzmetkerleri jasaǵan.
«Eń aldymen, tuńǵysh ret memlekettik qyzmet deńgeıinde blokcheın tehnologııasy qoldanylyp otyr. ıAǵnı, ár tranzaktsııa tizbektelgen jeke bloktarǵa jazylady. Bul aqparattyń ózgerýine, joǵalýyna qarsy jasalǵan tehnologııa. Ekinshiden, QR Ulttyq banki qundy qaǵazdar saýdasyn júrgizý úshin elektrondy aqsha shyǵardy. Úshinshiden, barlyq operatsııa elektrondy qondyrǵylarda kórinis tabatyn bolady», - dedi Danııar Aqyshev.
Tutynýshylar «Invest Online» jaıly tolyǵyraq bilý úshin 8 800 080 86 68 nómirlerine nemese investonline@csd.kz poshtasyna hat jaza alady.
