Ulttyq bank qurylymynda Qarjylyq qyzmet tutynýshylardyń quqyǵyn qorǵaý komıtetin qurý máselesi qaralýda

Bul týraly búgin elordada ótken «dóńgelek ústel» barysynda QR Ulttyq banki tóraǵasynyń orynbasary Danııar Aqyshev málim etti.

Onyń atap ótýinshe, bul qarjy naryǵynyń jáne zamanaýı tehnologııalardyń qarqyndy damýyn eskere otyryp, qarjylyq qyzmetterdi tutynýshylardyń quqyqtaryn kúsheıtý úshin asa qajet.

«Qazirgi ýaqytta úzdik halyqaralyq tájirıbeni eskere otyryp, Ulttyq bank qurylymynda jeke bóilmshe - Qarjylyq qyzmet tutynýshylardyń quqyǵyn qorǵaý komıtetin qurý máselesi qaralýda», - dedi ol.

Onyń sózine qaraǵanda, atalǵan komıtet Qarjylyq qadaǵalaý komıtetin janyndaǵy departamenttiń bazasynda qurylýy múmkin. Degenmen qazirgi ýaqytta naqty sheshim qabyldanǵan joq.