Ulttyq bank: Kredıtteý naryǵy birtindep qalpyna kelýde
ASTANA. QazAqparat - Qazaqstannyń kredıtteý naryǵy birtindep qalpyna kele bastady. Bul týraly búgin QR Úkimetiniń selektorlyq rejimdegi otyrysynda QR Ulttyq banki tóraǵasy Danııar Aqyshev aıtty, dep habarlaıdy QazAqparat.
Onyń sózine qaraǵanda, 2017 jylǵy qańtar-tamyzda berilgen jańa kredıtterdiń kólemi 2016 jylǵy osyndaı kezeńmen salystyrǵanda 5,7 paıyzǵa ulǵaıdy. Ósý ulttyq valıýtadaǵy kredıtterdiń 23,2 paıyzǵa nemese 1,1 trln teńgege ulǵaıýynyń arqasynda oryn aldy.
«Nátıjesinde ekonomıkaǵa salynǵan kredıtterdiń jalpy kólemi jyl basynan bastap 2,6 paıyzǵa nemese 327 mlrd teńgege arta otyryp, 2017 jylǵy tamyzdyń sońynda 13 trln teńgeni qurady», - dedi Ulttyq bank tóraǵasy.
D.Aqyshevtyń sózine qaraǵanda, zańdy tulǵalarǵa ulttyq valıýtamen kredıtter boıynsha ortasha mólsherleme 2016 jylǵy jeltoqsandaǵy 14,5 paıyzdan 2017 jylǵy tamyzda 13,8 paıyzǵa deıin tómendegen.
Sonymen qatar ol jyl basynan beri teńge sany absolıýttik mánde 600 mlrd teńgege óskenin atap ótti.
