Ulttyq bank Qor naryǵyn qaıta shyǵarýdy josparlap otyr

ASTANA. QazAqparat QR Ulttyq banki Qor naryǵyn qaıta shyǵarýdy josparlap otyr. Búgin Aqordada ótip jatqan QR Úkimetiniń keńeıtilgen otyrysynda QR Ulttyq bankiniń tóraǵasy Danııar Aqyshev osylaı málim etti.

«QR Ulttyq banki jaqynda ǵana qor naryǵyn qaıta shyǵarýdyń qajettigi týraly aıtqan bolatyn. Buǵan sáıkes, naqty sektordy qarjylandyrýdy banktik kerdıtter kómegimen ǵana emes, qor naryǵynda shyǵarylatyn boryshtyq quraldar kómegimen de qamtamasyz etý úshin balama alańdar qurylatyny qarastyrylyp otyr. Qazirdiń ózinde biz qor naryǵyna qarajat tartatyn  kásiporyndardyń belsendi túrde aıtarlyqtaı jandanǵanyn baıqap otyrmyz. Osyǵan baılanysty qysqa merzimdik oblıgatsııalar shyǵarý josparlanady. Eń bastysy  biz bundaı quraldarǵa qyzyǵatyn jáne ony qajet etetin ınvestorlardyń belsendiligin de kórip otyrmyz», deıdi D. Aqyshev.

Sonymen qatar, UB basshysy Biryńǵaı jınaqtaýshy zeınetaqy qoryna qatysty júktelgen tapsyrmalardyń oryndalatynyna da toqtalyp ótti.