Ulttyq bank «Kompetenz» saqtandyrý kompanııasynyń lıtsenzııasyn toqtatty

ASTANA. QazAqparat - Ulttyq bank «Kompetenz» saqtandyrý kompanııasynyń saqtandyrý qyzmetin júzege asyrý quqyǵyna berilgen lıtsenzııany toqtatty, dep habarlaıdy QazAqparat vedomstvonyń baspasóz qyzmetine silteme jasap.

«QR Ulttyq Banki Basqarmasynyń qaýlysymen 1 tamyzdan bastap 2019 jylǵy 1 aqpanǵa deıin saqtandyrýdyń mindetti nysanyndaǵy saqtandyrý, qaıta saqtandyrý jáne  «Saqtandyrý qyzmeti týraly» QR Zańynyń 6-baby 3-tarmaǵynyń 9)-11) tarmaqshalarynda kórsetilgen synyptardy qospaǵanda, azamattyq-quqyqtyq jaýapkershilikti erikti saqtandyrý qyzmeti boıynsha «Kompetenz» SK» AQ lıtsenzııasy toqtatyldy» delingen habarlamada.

Atalǵan sheshimdi Ulttyq bank «Kompetenz» saqtandyrý kompanııasy Qazaqstan Respýblıkasynyń zańnamasynda belgilengen prýdentsııalyq normatıvterdiń talaptaryn saqtamaǵany úshin qabyldady.

«Kompetenz» lıtsenzııasyn toqtatý merzimi aıaqtalǵanǵa deıin kompanııanyń saqtandyrý sharttaryn jasaýyna tyıym salynady.

Buryn jasalǵan saqtandyrý sharttary boıynsha kompanııa óz moınyna alǵan mindettemelerdi oryndaýǵa tıis.