Ulttyq bank kóbelek jáne quraq kórpege arnalǵan monetalar shyǵardy
ALMATY. QazAqparat - Ulttyq bank kóbelekke jáne quraq kórpege arnalǵan kollektsııalyq monetalardy aınalysqa shyǵardy, dep habarlaıdy QazAqparat QR UB baspasóz qyzmetine silteme jasap.
Ulttyq bank 27 qarashada nomınaly 500 teńgelik kúmis «Dala qazynasy» monetalar serııasynan «Quraq kórpe» kollektsııalyq monetalaryn jáne nomınaly 200 jáne 100 teńgelik melhıor qospasynan «Qazaqstannyń florasy men faýnasy» monetalar serııasynan «Kόbelek. Lasiommata maera» kollektsııalyq monetalaryn aınalysqa shyǵardy.
«Quraq kórpe» tósenishiniń tarıhy ejelden bastaý alady. Ol qalyńdyqtyń jasaýyna daıyndaıdy. Ýaqyt ózgeredi, bárimizge tanys ájeniń kórpesin qoldaný da ózgeredi. Alýan túrli oıý-órnekter, kempirqosaqtyń barlyq túsi – osynyń bári qazaq kórpesi, qoldan jasalǵan quraq kórpe», delingen habarlamada.
Monetalar túrli tústi basý tehnologııasyn qoldana otyryp kúmisten jasalǵan. Tıynnyń aversinde ortalyq bóliginde «QAZAQSTAN RESPÝBLIKASY ∙ REPUBLIC OF KAZAKHSTAN» degen jazbanyń qorshaýynda Eltańbasy ornalasqan. Monetany aınaldyra – ulttyq oıý-órnek salynǵan. Monetanyń reversinde qoldan jasalǵan quraq kórpeniń beınesi, «Quraq kórpe» degen jazý, soǵylǵan jyly jáne Qazaqstan teńge saraıynyń taýar belgisi ornalasqan.
Monetalar 925/1000 synamaly kúmisten daıyndalǵan, massasy – 31,1 gramm, dıametri – 38,61 mm, daıyndaý sapasy – «proof», taralymy – 1 500 dana.
Nomınaly 200 teńgelik «Kόbelek. Lasiommata maera» moneta «Mera barqyty» kóbelegine arnalǵan. Ol Qazaqstannyń taýlarynda, Kishi, Orta jáne Ortalyq Azııada, sondaı-aq soltústik Afrıkada, Eýropada jáne Batys Sibirde keńinen taralǵan. Latyn tilindegi túr ataýy ejelgi grek mıfologııasynan alynǵan jáne Atlanttyń qyzy – Meramen baılanysty.
Monetalardyń bet jaǵynda (aversinde) oń jaǵynda janýarlar men ósimdikterden quralǵan kollaj qorshaýynda Qazaqstan Eltańbasy, sol jaqta Ulttyq banktiń taýar belgisi (logotıpi) jáne monetanyń nomınalyn bildiretin «200 TEŃGE» degen jazba ornalasqan. Monetanyń syrt jaǵynda (reversinde) ınterferentsııalyq qubylmaly beıneleýdi jáne túrli tústi basyp shyǵarýdy qoldana otyryp kóbelek beınelengen, monetanyń joǵarǵy oń jaq bóliginde «Kόbelek. Lasiommata maera» (latynsha túr ataýy) ornalasqan. Tómengi bóliginde monetanyń atyn jáne soǵylǵan jylyn bildiretin «Kóbelek 2019» degen jazba bar.
Nomınaly 100 teńgelik «Kόbelek. Lasiommata maera» monetada osyndaı etip árlengen.
Monetalar ınterferentsııalyq qubylmaly beıneleý tehnologııasyn qoldana otyryp melhıor qospasynan daıyndalǵan.
1) nomınaly 200 teńgelik moneta melhıor qospasynan, «rroof-like» sapasymen daıyndalǵan, massasy – 15 gramm, dıametri – 33 mm, taralymy – 5 myń dana;
2) nomınaly 100 teńgelik moneta melhıor qospasynan, «brilliant uncirculated» sapasymen daıyndalǵan, massasy – 11,17 gramm, dıametri – 31 mm, taralymy – 20 myń dana.
Monetalar kollektsııalyq quny boıynsha satýǵa arnalǵan.
Nomınaly 500 teńgelik, 200 teńgelik jáne 100 teńgelik kollektsııalyq monetalar Qazaqstan aýmaǵynda kórsetilgen qunymen tólemniń barlyq túrleri boıynsha, sondaı-aq bank shottaryna esepteý úshin jáne aýdarym jasaý úshin qabyldanýǵa mindetti.
Kúmis monetalar kádesyılyq oraýmen shyǵarylady jáne Ulttyq bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan.
Kollektsııalyq monetalardy «QR Ulttyq bankiniń Qazaqstan teńge saraıy» sharýashylyq júrgizý quqyǵyndaǵy respýblıkalyq memlekettik kásiporny daıyndaǵan.
Monetalardy Ulttyq bankiniń barlyq aýmaqtyq fılıaldarynda, sondaı-aq ınternet dúken arqyly satyp alýǵa bolady.
