Ulttyq bank qazan aıynda ınflıatsııa ne sebepti ósetinin túsindirdi

ASTANA. QazAqparat - Qazan aıynda ınflıatsııanyń ósýi qaýpi bar. Bul týraly Parlament Májilisiniń jalpy otyrysynda QR Ulttyq bankiniń tóraǵsy Danııar Aqyshev málim etti, dep habarlaıdy QazAqparat.

 «Ulttyq banktiń negizgi basymdyǵy baǵa turaqtylyǵyn qamtamasyz etý jáne jyldyq ınflıatsııany belgilengen nysanaly aralyq sheginde ustap turý bolyp qalýda. Inflıatsııa 2017 jylǵy qańtar-qyrkúıekte 4,2 paıyz boldy, al jyldyq mánde 7,1 paıyzdy qurady. Alaıda Ulttyq bank qazan aıynda ınflıatsııanyń ósýi qaýpin kórip otyr, ıaǵnı bul janarmaı, kómir, kókónis baǵalarynyń ósýine baılanysty. Osy taýarlar naryǵynda suranys pen usynystyń teńgerimsizdigi bar»,-dedi Danııar Aqyshev.

Onyń paıymynsha, jyldyń sońyna deıin ınflıatsııa nysanaly 6-8 paıyz dáliz ishinde saqtalady.

Sonymen qatar D. Aqyshev Ulttyq bank ınflıatsııalyq targetteý saıasatyn jáne teńgeniń erkin ózgermeli aıyrbastaý baǵamy rejimin júrgizýin jalǵastyratynyn atap ótti.