Ulttyq bank Qazaqstannyń syrtqy qaryzy týraly málimetterdi jarııalady
ALMATY. QazAqparat - QR Ulttyq banki 2018 jylǵy 2-toqsandaǵy Qazaqstannyń syrtqy qaryzyndaǵy ózgerister týraly málimdeme jasady, dep habarlaıdy QazAqparat tilshisi.
2018 jylǵy 1 shildedegi jaǵdaı boıynsha Qazaqstannyń syrtqy qaryzy 164,4 mlrd AQSh dollary boldy. Bul kórsetkish ІJÓ-ge qatynasy 96,3% bolsa, jyl basynan bastap 6,3%-ǵa jaqsarǵan.
«Syrtqy qaryzdyń qurylymyna kelsek, 63,0%-y fırmaaralyq bereshek, 26,1% kredıtorlarǵa qatyssyz «basqa sektorlardyń» syrtqy qaryzy, 7,2% - memlekettik syrtqy boryshy (Úkimet pen Ulttyq Bank), 3,7% - «bankter» sektorynyń syrtqy mindettemeleri (EDB jáne «Qazaqstannyń Damý Banki» AQ) bolyp otyr», - delingen habarlamada.
2018 jylǵy 2-toqsanda eldiń syrtqy boryshy 2,2 mlrd AQSh dollaryna qysqardy.
Syrtqy qaryzdyń azaıýyna birneshe faktor áser etken.
«Tólem balansynyń operatsııalary esebinen (Qytaıdyń enshiles uıymdarynan jáne qarjylyq uıymdar sındıkattarynan tartylǵan syrtqy qaryzdardy óteý, shetel ınvestorlarynyń Ulttyq banktiń qysqa merzimdi notalaryna suranysynyń azaıýy) boldy.
Sonymen qatar operatsııalyq emes ózgerister (qazaqstandyq emıtentterdiń boryshtyq baǵaly qaǵazdarynyń naryqtyq qunynyń tómendeýi, teris baǵam aıyrmasy) esebinen syrtqy qaryz kólemi azaıdy», - delingen habarlamada.
Syrtqy borysh qurylymynda bereshegi 26,5 mlrd AQSh dollary bolǵan memleket baqylaıtyn uıymdardyń syrtqy boryshy (memlekettik sektor kapıtalyna 50%-dan astam tikeleı nemese janama qatysatyn bankter men uıymdar) aýqymdy bolyp otyr.
2018 jyldyń 2-toqsanynda «Samuryq-Qazyna» UÁQ» AQ-tyń «QMG Qashaǵan B.V.» qompanııasynda 50% úlesin satyp alý úshin 2015 jyly tartylǵan qaryzyn merziminen buryn óteýi esebinen syrtqy qaryz 0,6 mlrd AQSh dollaryna azaıdy.
Sondaı-aq kvazımemlekettik emıtentterdiń eýrooblıgatsııalarynyń naryqtyq qunynyń tómendeýi de áser etti.
Qazaqstannyń taza syrtqy boryshy 2018 jylǵy 2-toqsanda 0,5 mlrd AQSh dollaryna ulǵaıyp, 46,6 mlrd AQSh dollary boldy.
