Ulttyq bank qarjylyq turaqtylyqty qamtamasyz etedi - Danııar Aqyshev
ALMATY. QazAqparat - QR Ulttyq bank tóraǵasy Danııar Aqyshev Qazaqstannyń ulttyq valıýtasy - teńgeniń aınalymǵa engenine 25 jyldyǵymen quttyqtady, dep habarlaıdy QazAqparat.
«Ótken 25 jylda qarjy salasynda kóptegen reforma júzege asyryldy. Ulttyq banktiń aqsha-kredıt saıasaty jáne qarjy ınstıtýttaryn retteý men qadaǵalaý qyzmeti jetildirildi», - dedi Danııar Aqyshev quttyqtaý sózinde.
QR Ulttyq banktiń Feısbýktegi paraqshasynda jarııalanǵan vıdeoda Ulttyq bank tóraǵasynyń orynbasarlary Janat Qurmanov, Dına Ǵalıeva, Oleg Smolıakov pen Alpysbaı Ahmetov, Bankterdi qadaǵalaý departamentiniń dırektory Oljas Qızatov, Tólem júıeleri departamentiniń dırektory Erlan Ashyqbekovter teńgeniń 25 jyldyǵy jáne qarjygerlerdi, bank qyzmetkerlerin tól merekesimen quttyqtaı otyryp, lebiz bildirdi.
Eske sala ketsek, Qazaqstanda ulttyq valıýta Qazaqstan Respýblıkasy Elbasynyń 1993 jylǵy 12 qarashadaǵy №1399 Jarlyǵymen «Qazaqstan Respýblıkasynyń ulttyq valıýtasyn engizý týraly» 1993 jylǵy 15 qarashada aınalymǵa engizildi.
Keıinnen, 1998 jyldan bastap, 15 qarasha kásibı mereke retinde Ulttyq valıýta - teńge kúni jáne Qazaqstan Respýblıkasynyń qarjy júıesi qyzmetkerleriniń merekesi bolyp belgilendi.
Bıyl ekonomıkalyq táýelsizdigimizdiń nyshanyna, Qazaqstannyń ulttyq valıýtasy - teńgeniń aınalymǵa engenine 25 jyl tolady.
