Ulttyq bank qarjy júıesiniń turaqtylyǵyn qoldaý týraly usynystar daıyndaıdy - Prezıdent
NUR-SULTAN. QazAqparat – Prezıdent Qasym-Jomart Toqaev Ulttyq bank pen Qarjylyq naryqty retteý men damytý agenttigine eldegi qarjy júıesiniń turaqtylyǵyn qoldaý boıynsha usynystar jıyntyǵyn daıyndaýdy tapsyrdy, dep habarlaıdy QazAqparat tilshisi.
«Otandyq bıznesti qoldaýǵa keler bolsaq, shaǵyn jáne orta bıznesti qoldaý sharalarynan basqa ishki suranys tómendep ketken jaǵdaıdaǵy iri kásiporyndardyń qyzmetin baqylaýǵa alý kerek. Maǵan baıan etkendeı bul jumys qazir júrip jatyr. Іri kásiporyndarda erteńge senimmen qararlyq kúsh-qýat bar. Olar bizdiń ekonomıkalyq júıemizdiń ajyramas ári mańyzdy bóligi bolyp tabylady. Sondyqtan olar jumyspen qamtýdyń jáne ShOB-qa tapsyrys berýdiń arqasynda ekonomıkany turaqtandyrýshy rólin atqara alady», - dedi Qasym-Jomart Toqaev Tótenshe jaǵdaı rejımin qamtamasyz etý jónindegi memlekettik komıssııanyń otyrysynda.
Prezıdent sonymen qatar, jaǵdaı kúrdelense memleket olarǵa kómek kórsetý sharalaryn qaraýǵa daıyn.
«Kelesi másele - qarjy sektorynyń turaqtylyǵy. Bul mańyzdy mindet. Shynynda da, oılanyp qarasaq qarjy júıesiniń problemalary ekonomıkanyń naqty sektoryna da, azamattardyń jınaqtaryna da teris yqpal etýi múmkin. Ulttyq bank pen Qarjylyq damý agenttigine eldiń qarjy júıesiniń turaqtylyǵyn qoldaý boıynsha usynystar jıyntyǵyn daıyndaý tapsyrylady», - dedi Memleket basshysy.
