Ulttyq bank qarjy naryǵyna yqpal etetin syrtqy faktorlardy atady
ALMATY. QazAqparat – QR Ulttyq banki tóraǵasynyń orynbasary Álııa Moldabekova qarjy naryǵyna yqpal etetin syrtqy faktorlar jaıly aıtty, dep habarlaıdy QazAqparat tilshisi.
Sonymen qatar ol Ulttyq banktiń turaqtandyrý sharalary týraly túsindirdi.
«Jańa vırýstyń jahandyq taralýy álemdik ekonomıkanyń basty syn qaterine aınalyp otyr. Qarjy naryqtarynda ekonomıkalyq ósim azaıdy, boljamdardyń barlyǵy kóńil kónshiterlik emes. Ekonomıkany qoldaý úshin Federaldy rezerv júıesi, Kanada banki, Avstralııa ortalyq banki stavkalardy túsirdi. Vırýstyń Qytaıdan tys jerge taralýy ınvestorlardyń damýshy elderdiń ekonomıkasynan ketýine yqpal etti. Bul ahýal Qazaqstan ekonomıkasyna da áser etti», - dedi Álııa Moldabekova.
Teńgeniń aıyrbas kýrsy - syrtqy shoktardan avtomatty túrde turaqtandyratyn faktor.
Qańtarda munaı barreliniń quny 60-tan 50-ge túsip ketti. Rýbl aqpanda 4,5%-ǵa, ındonezııalyq rýpıı 4,9%-ǵa álsiredi. Meksıka, Túrkııa, Brazılııa, OAR valıýtalary 4,9%-ǵa kemidi.
Indonezııa men Brazılııa Ortalyq bankteri valıýtalyq ınterventsııa ótkizgenin habarlady.
«Teńge bir aıda 0,6%-ǵa azaıdy. Sebebi, aqpan salyq tóleıtin ýaqyt. Eksporterlerdiń qarjysy teńgeni kóterip turdy», - dedi tóraǵa orynbasary.
Alaıda, salyq tóleminen soń teńgeniń jaǵdaıy jaqsarǵan joq.
«24-28 aqpan aralyǵynda munaı barreliniń quny 57-den 50,5-ke tústi, 11%-ǵa arzandady. Munyń barlyǵy aqsha naryǵyndaǵy sheteldik valıýtaǵa suranysty arttyrdy. Valıýta naryǵyndaǵy jaǵdaıdy turaqtandyrý úshin Ulttyq bank aqpannyń sońǵy kúnderi valıýtalyq ınterventsııa jasady», - dedi Álııa Moldabekova.
Ulttyq bank aqpan aıynda $94,8 mln satty