Ulttyq bank JETI QAZYNA kollektsııalyq monetalaryn satylymǵa shyǵarady
NUR-SULTAN. QazAqparat - Qazaqstan Ulttyq banki 2021 jylǵy 30 qarashadan bastap «Dala qazynasy» serııasymen shyqqan JETI QAZYNA kollektsııalyq monetalaryn satylymǵa shyǵarady, dep habarlaıdy QazAqparat tilshisi.
Nomınaly 500 teńgelik monetalar men blısterlik jınaq www.kazcoins.nationalbank.kz platformasynda QUB ınternet-dúkeni arqyly satylady.
«Ejelgi ańyz boıynsha, naǵyz qazaq kóshpendisiniń basty jeti qazynasy bolǵan: er jigit, sulý áıel, qumaı tazy, aqyl-bilim, beren myltyq, júırik at jáne qyran búrkit. Aqyldy jar – otbasynyń berekesi, qumaı tazy – ań aýlaýdaǵy serigi, beren myltyq – urysta sátsizdikke ushyratpaıdy, júırik at pen qyran búrkit – jaýapty sátte kómekshi, al jan-jaqty bilim – dana sheshim qabyldaýǵa kómektesedi dep eseptelgen», - dep atap ótedi Ulttyq bankten.
