Ulttyq bank: Іskerlik belsendilik jaqsaryp keledi

ASTANA. QazAqparat – Elimizde iskerlik belsendilik jaqsaryp keledi. Bul jaıynda búgin Senatta Ulttyq bank tóraǵasynyń orynbasary Aqyljan Baımaǵambetov aıtty, dep habarlaıdy QazAqparat tilshisi.

«Qazaqstanda iskerlik belsendilik 8 aı qatarynan teris kórsetkishten keıin jaqsaryp keledi. 2023 jylǵy qańtarda Іskerlik belsendilik ındeksi ósip, 50,7 boldy. Aqpan aıynda ındıkator 50,0 boldy, bul ózgeris bolmaǵanyn kórsetedi. Barlyq sektor úshin uzaq jetkizý merzimi iskerlik belsendilikti tejeıtin faktor bolyp otyr», - dedi ol «2023-2025 jyldarǵa arnalǵan respýblıkalyq bıýdjet týraly» zań jobasyn tanystyra kele.

Onyń atap ótýinshe, jyl basynda álemdik ekonomıkalyq belsendilik jaqsardy. Qańtar aıynda iskerlik belsendiliktiń jahandyq kompozıttik ındeksi 49,8-ge deıin ósti.

«Qańtar aıynda óndiris pen jańa tapsyrystar kóleminiń tómendeýi sońǵy 6 aıda edáýir álsiz bolyp, turaqtanýǵa jaqyndady. Bıznes ókilderiniń optımızmi 8 aıda eń joǵary kórsetkishke deıin artty», - dedi Aqyljan Baımaǵambetov.