Ulttyq bank: Ipotekalyq qaryzdardy qaıta qarjylandyrý baǵdarlamasy boıynsha 2,4 myńnan astam ótinish qanaǵattandyryldy
ASTANA. QazAqparat - Bankterdiń 2015 jylǵy 15 tamyzdaǵy derekteri boıynsha, ıpotekalyq turǵyn úı qaryzdaryn jáne ıpotekalyq qaryzdardy qaıta qarjylandyrý baǵdarlamasy boıynsha ıpotekalyq qaryz alýshylardan 5 434 ótinish qabyldandy.
2 421 ótinish boıynsha qaıta qarjylandyrý týraly oń sheshim qabyldandy, jalpy somasy 1 552 818 000 teńge bolatyn 411 ótinish boıynsha qaryz qaıta qarjylandyryldy, dep habarlaıdy QR Ulttyq bankiniń baspasóz qyzmeti.
Baǵdarlamany iske asyrý barysyn Ulttyq Bank jáne «Problemaly kredıtter qory» AQ turaqty baqylaıdy jáne monıtorıngileıdi. Aldyn ala júrgizilgen baǵalaýlar boıynsha 25000-nan astam qaryzdy, onyń ishinde halyqtyń áleýmettik osal toptaryna jatatyn 5000-nan astam qaryz alýshynyń qaryzdaryn qaıta qarjylandyrýǵa bolady.
Eske sala keteıik, Memleket basshysynyń tapsyrmasyna sáıkes Ulttyq Bank ıpotekalyq qaryz alýshylardyń problemalaryn sheshýge 130 mlrd. teńge bólý týraly sheshim qabyldady. 2015 jylǵy 24 sáýirde Ulttyq Bank Basqarmasynyń qaýlysymen Ipotekalyq turǵyn úı qaryzdaryn jáne ıpotekalyq qaryzdardy qaıta qarjylandyrý baǵdarlamasy (budan ári - Baǵdarlama) bekitildi.
Bólingen qarajatty ekinshi deńgeıdegi bankterge jetkizý maqsatynda «Problemalyq kredıtter qory» AQ keıinnen 9 ekinshi deńgeıdegi banktegi depozıtterge 20 jylǵa jyldyq 2,99% syıaqy mólsherlemesimen ornalastyrýmen qosymsha kapıtaldandyrýdy júzege asyrdy.
Baǵdarlamaǵa qatysýshy ekinshi deńgeıdegi bankterdiń tizimine «Kazkommertsbank» AQ («BTA Bank» AQ men «BTA Ipoteka» AQ), «Qazaqstan Halyq Banki», «Fortebank» AQ, «Bank TsentrKredıt» AQ, «ATF Bank» AQ, «Kaspi Bank» AQ, «Tsesnabank» AQ, «Eýrazııalyq bank» AQ men «Nurbank» AQ kirdi.
Baǵdarlama múmkindiginshe kóptegen qaryz alýshylardyń ıpotekalyq qaryzdardy óteý talaptaryn jeńildetýge baǵyttalǵan, bul rette birinshi kezekte halyqtyń áleýmettik osal toptaryna qoldaý kórsetiletin bolady.
Sondaı-aq, Ulttyq Banktiń bastamasymen QR Premer-Mınıstriniń tapsyrmasyna sáıkes oblystyq ákimdikterde jáne Astana jáne Almaty qalalarynda quramyna quqyq qorǵaý organdarynyń jáne qoǵamdyq uıymdardyń ókilderin qosa otyryp, qaryz alýshylardyń qaryzdardy qaıta qarjylandyrýdan bas tartýlarǵa qatysty shaǵymdaryn qaraý jónindegi komıssııalar ashylady.
Buǵan qosa, jeke tulǵalar-qaryz alýshylarǵa merzimi ótken bereshekti esepten shyǵarǵan kezde bankterdi jeke tabys salyǵyn (JTS) tóleýden bosatý máselesi pysyqtalyp jatyr.
Qoǵamdyq birlestikterdiń, bankterdiń, qaryz alýshylardyń jáne jergilikti atqarýshy organdardyń usynystaryn taldaý nátıjeleri boıynsha qazirgi kezde baǵdarlamaǵa:
- Toqtatylmaǵan ne qaryz bóligi ótelmeı qalǵan qaryz boıynsha bank (ıpotekalyq uıym) balansyna jalǵyz turǵyn úıi alynǵan ıpotekalyq qaryz alýshylardy;
- Kepilge qoıylǵan jyljymaıtyn múlik aýdanyna qoıylatyn talap boıynsha jyljymaıtyn múliktiń 120 sh.m. jalpy aýdanynan 120 sh.m. turǵyn aýdanyna ózgertýdi;
- qaryz boıynsha qaryz berýshi bolyp úshinshi tulǵa bolǵan jaǵdaıda qaryzdy qaıta qarjylandyrýdy engizý múmkindigi bóliginde baǵdarlamaǵa ózgerister engizý boıynsha jumys júrgizilýde.
