Ulttyq bank ınvestıtsııalyq monetalardy aınalymǵa shyǵardy
ALMATY. QazAqparat –Ulttyq bank «Altyn barys» jáne «Kúmis barys» ınvestıtsııalyq monetalardy aınalymǵa shyǵarady, dep habarlaıdy QazAqparat tilshisi.
2020 jylǵy 17 tamyzda Qazaqstan Ulttyq banki altynnan 10, 20, 50, 100, 200 jáne 500 teńge nomınaldarynda, kúmisten 1, 2, 5 jáne 10 teńge nomınaldarynda 2020 jyly soǵylǵan «ALTYN BARYS» jáne «KÚMIS BARYS» ınvestıtsııalyq monetalaryn aınalymǵa shyǵarady.
Investıtsııalyq monetalar – 999,9 joǵary synamaly sapasy joǵary altyn jáne kúmis monetalar.
Búgingi tańda ınvestıtsııalyq monetalardyń birneshe iri brendteri bar – «Krıýgerrand» (Ońtústik Afrıka), «Amerıkalyq búrkit» (AQSh), «Vena fılarmonııasy» (Avstrııa), «Panda» (Qytaı), «Úıeńki japyraǵy» (Kanada).
Qazaqstannyń alǵashqy ınvestıtsııalyq «JІBEK JOLY» monetalary 1996 jyly aınalysqa shyǵaryldy. 2009 jyldan bastap dızaınynyń ózgerýine baılanysty túrli salmaq sıpattamalary bar «ALTYN BARYS» jáne «KÚMIS BARYS» ınvestıtsııalyq monetalary shyǵaryla bastady.
Investıtsııalyq monetalardyń erekshelikteri:
–shektelmegen taralymdar;
–«proof» tehnologııasyn qoldanbaı daıyndaý;
–moneta jasalǵan metaldyń quny men salmaǵyna baılanysty kiris alý;
–Ulttyq bank satý jáne satyp alý erejelerine sáıkes satyp alý monetadaǵy metaldyń salmaǵy boıynsha esepteletindikten jaǵdaıyna (syzattar, patına jáne t.b.) qaramastan keri satyp alýǵa qabyldaıdy;
–qosylǵan qunyna salyq salynbaıdy.
Altyn men kúmisten jasalǵan barlyq nomınaldardaǵy ınvestıtsııalyq monetalar Qazaqstan Respýblıkasynyń búkil aýmaǵynda belgilengen quny boıynsha tólemderdiń barlyq túrleri boıynsha, sondaı-aq bank shottaryna esepke jazý úshin jáne aýdarý úshin qabyldanýǵa mindetti. Sondaı-aq, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.
