Ulttyq bank ınternet-qaryzdar boıynsha joǵarylatylǵan paıyzdyq stavkaǵa alańdaýly

NUR-SULTAN. QazAqparat - QR Ulttyq banki banktik emes nesıelik uıymdardyń jumys aýqymyn retteýdi kúsheıtkeli otyr. Bul týraly Úkimet úıinde ótken baspasóz máslıhatynda Ulttyq banktiń tóraǵasynyń orynbasary Janat Qurmanov málim etti, dep habarlaıdy QazAqparat tilshisi.

«Internet arqyly beriletin qaryzdar boıynsha, shynynda da, tutynýshylyq nesıeleý tarapynan azamattar men shaǵyn bıznes sýbektilerine qatysty belgili bir táýekelderdi kórip otyrmyz. Bul táýekelder halyqqa qaryz joǵarylatylǵan paıyzdyq stavkamen berilip otyrǵandyǵyg kórsetedi», - deıdi Janat Qurmanov tilshilerdiń suraqtaryna bergen jaýabynda.

Sonymen qatar, Ulttyq bank ókiliniń aıtýyna qaraǵanda, baqylanbaıtyn atalmysh nesıelik uıymdar nesıelik bıýroǵa tıisti aqparattardy bermeıdi.

«Sol sebepti, atalmysh aqparat rettteýshi retinde bizge kórinbeıdi. Bul rette biz halyqaralyq tájirıbelerdi taldaı otyryp, banktik emes nesıelik uıymdardyń jumys aýqymyn retteýdi kúsheıtý boıynsha usynystardy daıyndaımyz. Álbette, Qazaqstan ekonomıkasy men klıentterine qanshalyqty táýekel tóndirip turǵanyna baılanysty ártúrli nesıelik uıymdar boıynsha qolǵa alynar amal-ádister bir-birinen erekshelenetin bolady. Bul usynystar naryqqa qatysýshylardyń qatysýymen Úkimette talqylanady», - deıdi Janat Qurmanov.