Ulttyq bank ınternet-dúkeninde alaıaqtardyń belsendi bola bastaǵanyn eskertti
Máselen, áleýmettik jeliler men messendjerlerdegi Qazaqstan nýmızmattarynyń taqyryptyq toptarynda alaıaqtar «kómekshi baǵdarlamaǵa» bir rettik jol ashý múmkindigin arnaıy tólemge usynyp júr. Sóıtip, ol baǵdarlama QUB ınternet-dúkeninen satyp alýshylardyń sebetine kollektsııalyq monetalardy kez kelgen mólsherde avtomatty túrde qosady dep sendiredi.
Sonymen qatar, kollektsııalyq monetalardy sebetke salýdaǵy «sátti» operatsııalary bar sýretter kórsetiledi jáne «kómekshi baǵdarlama» tolyǵymen qaýipsiz ekeni týraly jalǵan aqparat beriledi. Alaıda, qolma-qol aqshany alǵannan keıin, alaıaqtar vırýs nemese basqa da zııandy kodtardan turatyn baǵdarlamalyq jasaqtamany usynady. Olardyń oryndalýy paıdalanýshy derekteriniń taralyp ketýine nemese joǵalýyna ákelýi múmkin.
Joǵaryda aıtylǵandarǵa baılanysty Ulttyq bank saq bolýdy, QUB ınternet-dúkenimen jumys isteý barysynda kúmándi baǵdarlamalyq jasaqtamany satyp almaýdy jáne paıdalanbaýdy suraıdy.
Satyp alynatyn monetalar sanyna lımıtti Ulttyq bank árbir mámile boıynsha tekseredi. Bul QUB ınternet-dúkeniniń sebetine monetalardy sátti qosqan jaǵdaıda da, belgilengen lımıtten tys satý múmkin emestigin bildiredi.
Sondaı-aq, QUB Internet-dúkeni paıdalanýshy kelisiminiń 11.4-tarmaǵyna sáıkes, satyp alýshy basqa satyp alýshylardan básekelestikke jatpaıtyn tehnıkalyq artyqshylyqtardy bildiretin jáne QUB ınternet-dúkeniniń esepteý quraldaryna joǵary júkteme jasaıtyn avtomattandyrylǵan júıeler men quraldardy (ınternet-bottar men basqa quraldar) paıdalanbaýǵa mindetteme alatynyn eske salamyz. Osy tarmaq buzylǵan jaǵdaıda Ulttyq bank satyp alýshynyń eseptik jazbasyn turaqty buǵattaý quqyǵyn ózine qaldyrady.
Siz nemese tanystaryńyz alaıaqtyq áreketterge tap bolǵan jaǵdaıda, qajetti sot isin júrgizý úshin quqyq qorǵaý organdaryna tıisti ótinishpen júginýdi usynamyz.
Keńes alý úshin 1477 qysqa nómiri boıynsha Ulttyq banktiń Baılanys ortalyǵyna habarlasýǵa bolady.
