Ulttyq bank ınflıatsııany 3-4 paıyzǵa deıin tómendetýdi josparlaýda
ASTANA. QazAqparat - Aldaǵy úsh jylǵa bıýdjetti josparlaýda ekonomıkamyzdyń edáýir beriktik qory bar.
Bul týraly búgin QR Parlamenti Májilisiniń jalpy otyrysynda «2017-2019 jyldarǵa arnalǵan respýblıkalyq bıýdjet týraly» QR Zańyna ózgerister men tolyqtyrýlar engizý týraly» zań jobasyn talqylaý barysynda QR Ulttyq bankiniń tóraǵasy Danııar Aqyshev málim etti, dep habarlaıdy QazAqparat.
«Eger munaı baǵysy barreline 40-60 AQSh dollar aralyǵynda bolsa, ekonomıkanyń jaǵdaıy jaqsarady. Aldaǵy úsh jylǵa bıýdjetti josparlaýdaǵy Úkimettiń boljamdary boıynsha ekonomıkamyzdyń edáýir beriktik qory bar. Osy jyldyń qańtarynda ınflıatsııa 6-8 paıyzdyq dálizge oraldy. Jyldyq ınflıatsııa 7,9 paıyzdy qurady. Bizdiń boljam boıynsha syn-qater bolmasa, ınflıatsııa deńgeıi Úkimet pen Ulttyq bank belgilegen dálizde qalyptasady. Joldaýǵa sáıkes, Ulttyq bank ınflıatsııalyq targetteý ustanymdaryn júzege asyrýdy jalǵastyrady. Orta merzimdi kezeńde ınflıatsııany birtindep 3-4 paıyzǵa deıin tómendetý biz úshin basym mindet»,-dedi Aqyshev.
Onyń sózine qaraǵanda, bul rette UB uzaq merzimdi ekonomıkalyq ósimge áser etedi. Ol úshin ınflıatsııa jáne makroekonomıkalyq turaqtylyq boıynsha maqsattar arasynda ońtaıly teńgerim bolýy kerek.
«Ulttyq banktiń negizgi jumysy aqsha naryǵynda paıyzdyq mólsherlemelerdi qalyptastyrýǵa baǵyttalǵan. 2016 jyly bazalyq mólsherleme 17-den 12 paıyzǵa deıin tómendetildi. 2017 bazalyq mólsherleme odan ary tómendeýi múmkin»,-dedi UB basshysy.
