Ulttyq bank ınflıatsııa men valıýta baǵamynyń qorytyndysyn shyǵardy

NUR-SULTAN. QazAqparat – Búgin Úkimettiń keńeıtilgen otyrysynda QR Ulttyq bank tóraǵasy Erbolat Dosaev ınflıatsııa men valıýta baǵamyna qatysty byltyrǵy jylǵy qorytyndyny jarııalady, dep habarlaıdy QazAqparat tilshisi.

«2019 jyldyń qorytyndysy boıynsha, ınflıatsııa 5,4% boldy, bul 4-6% nysanaly dálizge sáıkes keledi. Kóbinese nan-toqash ónimderi men jarmanyń baǵasynyń 16,1%, sondaı-aq et jáne et ónimderiniń 13,2% ósýi esebinen 9,6%-ke qymbattaǵan azyq-túlik taýarlary ınflıatsııaǵa eń kóp úles qosty. Azyq-túlikke jatpaıtyn taýarlar men aqyly qyzmetter baǵasynyń ósýi qalypty boldy», - dedi E. Dosaev.

Onyń sózine qaraǵanda, aqsha-kredıt saıasatynyń negizgi quraly retinde bazalyq stavka tutynýshylyq jáne ınvestıtsııalyq suranystyń keńeıýine baılanysty proınflıatsııalyq faktorlar yqpalynyń saqtalýy aıasynda +/- 1 protsenttik tarmaq dálizimen 9,25% deńgeıinde saqtaldy.

«2019 jyly qoǵam tarapynan júrgizilip otyrǵan valıýtalyq saıasatqa jáne ulttyq valıýtanyń baǵamyna joǵary nazar aýdaryldy. Bul rette, ótken jyl ishinde bir AQSh dollary úshin teńge baǵamy 373-390 teńge shegindegi 4,5 paıyzdyq aralyqta boldy. 2019 jyly teńge jyldyń sońyna qaraı bir AQSh dollary úshin 382,6 teńgege deıin 0,4 paıyzǵa nyǵaıdy, al 2018 jyly ol 15,6 paıyǵa álsiredi», - dedi UB basshysy.