Ulttyq bank ıkemdi kýrs belgileý rejımin ustanýdy jalǵastyrady
«Ulttyq qordan respýblıkalyq bıýdjetke transfert bólý úshin aı basynda 4 mln dollar satyldy. Keıin transfert Ulttyq qorǵa túsetin túsim esebinen qamtamasyz etilgendikten Ulttyq qordyń valıýtalyq qarajatyn konvertatsııalaý qajet bolmady», - dedi Ulttyq bank tóraǵasy.
Onyń aıtýynsha, zeınetaqy aktıvteriniń valıýtalyq úlesin keminde 30 paıyz deńgeıinde ustap turý maqsatynda mamyrda ınvestıtsııalyq portfeldi ártaraptandyrý úshin valıýta naryǵynda Biryńǵaı jınaqtaýshy zeınetaqy qory úshin 74,5 mln dollar satyp alyndy.
«Qysqamerzimdi perspektıvada teńgeniń qubylmalylyǵy geosaıası jaǵdaıdyń ózgerýine, ishki qatysýshylardyń kútýlerine jáne álemdik naryqtaǵy jaǵdaıǵa baılanysty bolady. Ulttyq bank teńgerimsizdiktiń jınalýyn boldyrmaıtyn jáne altyn-valıýta rezerviniń saqtalýyn qamtamasyz etetin ıkemdi baǵam belgileý rejımin ustanýdy jalǵastyrady», - dedi Ǵalymjan Pirmatov.
