Ulttyq bank halyqqa valıýtany «50-50» qaǵıdatynda ustaýǵa keńes beredi
«Ekonomıkany teńge resýrstarymen qamtamasyz etýge kelsek, bundaǵy Ulttyq banktiń basty mindetteriniń biri ekonomıkany uzaq merzimdegi teńge ótemdiligimen qamtý bolyp tabylady. Bul rette jumys birqatar baǵytta órbýde. Birinshiden, teńge depozıtteriniń tartymdylyǵyn arttyrý. Ekinshi deńgeıli bankterdegi ulttyq valıýtadaǵy depozıtterdiń ósý úlesi ekonomıkany teńgemen kredıtteýge kóp múmkindik beredi. Aqpan aıynan bastap Ulttyq bank syıaqynyń eń joǵary stavkasyn jeke tulǵalardyń depozıtteri boıynsha on paıyzdan on tórt paıyzǵa deıin arttyryp otyr», dedi D. Aqyshev.
Bas bankırdiń aıtýyna qaraǵanda, bul aǵymdaǵy ahýaldy esepke alǵanda halyq úshin eń tıimdi jaǵdaı bolyp tabylady. Sondyqtan da, Ulttyq bank aldaǵy ýaqytta teńge depozıtteriniń úlesi artatynyn kútedi. «Aıyrbas baǵamy teńgeniń álsireý nemese kúsheıý boıynsha belgisizdik jaǵdaıynda Ulttyq bank azamattarǵa ózderiniń jınaq qarajattaryn «50-50» qaǵıdatymen saralandyrýdy usynady. ıAǵnı, jınaq qarajattarynyń elý paıyzyn ulttyq valıýtada, qalǵan elý paıyzyn sheteldik valıýtada ustaýdy usynamyz», dedi UB tóraǵasy.
