Ulttyq bank FIFA 2014 fýtboldan álem chempıonatyna arnap eskertkish kúmis monetasyn aınalysqa shyǵarmaq
ALMATY.QazAqparat - Qazaqstan Respýblıkasynyń Ulttyq Banki 2014 jylǵy 17 naýryzda nomınaly 100 teńgelik, «rroof» sapaly «Brazılııadaǵy FIFA 2014 fýtboldan álem chempıonaty» eskertkish kúmis monetasyn aınalysqa shyǵarady. Bul týraly QR Ulttyq bankiniń baspasóz qyzmetinen habarlady.
«Nomınaly 100 teńgelik «Brazılııadaǵy FIFA 2014 fýtboldan álem chempıonaty» («2014 FIFA World CupBrazil TM») eskertkish kúmismonetasy Qazaqstan Respýblıkasynyń Ulttyq Banki, MDM MÜNZHANDELSGESELLSCHAFTmbH & Co. KG DEUTSCHE MÜNZE kompanııasy jáne «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqyǵy bar respýblıkalyq memlekettik kásiporny arasyndaǵy Monetalar shyǵarýǵa jáne satýǵa arnalǵan kelisimge sáıkes daıyndaldy», - delingen habarlamada. Moneta 925 synamaly kúmisten jasalǵan, salmaǵy - 24 gramm, dıametri - 37 mm, daıyndaý sapasy - «proof», taralymy - 6 myń dana. Nomınaly 100 teńgelik eskertkish kúmis monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq shottarǵa, salymdarǵa, akkredıtıvterge esepteý úshin jáne aýdarym jasaý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.
