Ulttyq bank eski nusqadaǵy 1 000 teńgelikterdiń aınalymnan shyǵarylatynyn eske saldy
ASTANA. QazAqparat - QR Ulttyq banki 1 naýryzdan bastap 2006 jylǵy úlgidegi nomınaly 1 000 teńgelik banknottardyń aınalysta bolýyn aıaqtaıtynyn jáne tólem quraly bolýyn toqtatatynyn eske salady.
Banktiń baspasóz qyzmetiniń habarlaýynsha, atalǵan kúnge deıin bul banknottar zańdy tólem quraly retinde el aýmaǵynda tólemge jáne bank operatsııalary úshin shekteýsiz paıdalanylady.
2006 jylǵy úlgidegi nomınaly 1 000 teńgelik banknottardy Ulttyq banktiń barlyq fılıaldarynda onyń aınalysta bolýynyń aıaqtalý kúnin kútpeı aıyrbastaýǵa bolady. Odan keıin 12 aı ishinde - 2017 jylǵy 1 naýryzynan - 2018 jylǵy 28 aqpanyna sheıin atalmysh banknottar kez kelgen ekinshi deńgeıdegi bankte aıyrbastalady.
QR Ulttyq bankiniń barlyq fılıaldarynda 2006 jylǵy úlgidegi nomınaly 1 000 teńgelik banknottar aıyrbastaý úshin 2021 jylǵy 28 aqpanǵa deıin qabyldanady. Banknottar komıssııalyq alymsyz aıyrbastalady.
Bul rette Ulttyq bank zańdy tólem quraly bolyp tabylatyn nomınaly 1000 teńgelik eskertkish banknottardyń aınalysta ekendigin habarlaıdy.
QR Ákimshilik quqyq buzýshylyq týraly kodeksine sáıkes aınalystaǵy banknottardy qabyldaýdan bas tartý shaǵyn kásipkerlik sýbektilerine nemese kommertsııalyq emes uıymdarǵa - bes, orta kásipkerlik sýbektilerine - on, iri kásipkerlik sýbektilerine jıyrma bes aılyq eseptik kórsetkish mólsherinde aıyppul salýǵa ákep soǵady. Bankterdiń jáne bank operatsııalarynyń jekelegen túrlerin júzege asyratyn uıymdardyń banknottardy qabyldaýdan, usaqtaýdan jáne aıyrbastaýdan bas tartýy 50 aılyq eseptik kórsetkish mólsherinde aıyppul salýǵa ákep soǵady.
Suraqtar týyndaǵan jaǵdaıda Qarjylyq qyzmetterdi tutynýshylardyń quqyqtaryn qorǵaý jáne syrtqy kommýnıkatsııalar basqarmasyna +7 (727) 2704 585 telefony boıynsha jáne Qolma-qol aqshamen jumys júrgizý basqarmasyna +7 (727) 2704- 569 telefony boıynsha habarlasýǵa bolady.
