Ulttyq bank elimizdiń ІJÓ ósimine baǵa berdi
ASTANA. QazAqparat - 2019-2020 jyldary Qazaqstandaǵy naqty ishki jalpy ósim baıaýlaıdy. Bul týraly búgin Almatyda qarjy sarapshylarymen kezekti kezdesý barysynda QR Ulttyq bank Zertteýler jáne statıstıka departamentiniń dırektory Vıtalıı Týtýshkın aıtty, dep habarlaıdy QazAqparat tilshisi.
Ulttyq bank baspasóz qyzmetiniń málimetinshe, V.Týtýshkın 2019-2020 jyldary Qazaqstandaǵy naqty ІJÓ-niń ósýi baıaýlaıtynyn aıtty.
«Ekonomıkalyq ósim boıynsha alǵysharttar ózgergen joq. Іshki tutynýshylyq suranystyń ósýi ekonomıka ósiminiń negizgi qozǵaýshy kúshi bolmaq. Investıtsııalyq belsendiliktiń oń serpini, birinshi kezekte, taý-ken óndirý jáne turǵyn úı qurylysy salasynda saqtalady. Jalaqylardy, zeınetaqylardy, járdemaqylar men ózge de áleýmettik sharalardy arttyrýǵa jumsalatyn bıýdjet shyǵystarynyń ósýine baılanysty ekonomıka da 2019- 2020 jyldary bolar-bolmas oń fıskaldyq qarqyn yqpalynan yntalandyrylady. Taza eksport boljaldy kezeńde eksporttyń barynsha aqyryn ósýinen shekteletin bolady», - dedi ol.
