Ulttyq bank ekonomıkany qaıta qalpyna keltirýdegi basty qaýip-qaterdi atady
«Іskerlik belsendilikti saralaı kele túsingenimiz, Qazaqstanda ol Ulttyq bank kútken kórsetkishke sáıkes damyp, serpindi qarqynmen qalpyna túsip kele jatyr. Karantın shekteýlerine qaramastan, 2021 jyldyń ekinshi toqsanynda kóptegen salada oń úrdis baıqaldy jáne bıylǵy qańtar-maýsym aralyǵyndaǵy nátıje boıynsha ekonomıkanyń ósýi 2,2% boldy. Jalpy alǵanda, 2021 jyldyń qorytyndysyna sáıkes 3,6-3,9% boljam aıasynda kele jatyrmyz», - dedi QR Ulttyq banki tóraǵasynyń orynbasary Aqyljan Baımaǵambetov.
Onyń aıtýynsha, ekonomıkalyq belsendiliktiń ósýi eń aldymen saýdanyń edáýir ulǵaıýyna jáne taý-ken ónerkásibi men kólikti qysqartýdyń baıaý qarqynyna baılanysty.
«Qyzmet kórsetý salasyndaǵy belsendiliktiń artýyna kirister men jalaqynyń ulǵaıýy aıasyndaǵy tutynýshylyq suranystyń artýy, fıskaldyq yntalandyrý, sondaı-aq eńbek naryǵyndaǵy jaǵdaıdyń jaqsarýy qoldaý kórsetedi. Eki tańbaly ósý qarqyny qurylysta da saqtalyp otyr. Qańtar-maýsymda ol 11,9% ósti. Buǵan ınfraqurylymdyq jobalar men turǵyn úı qurylysy jobalaryn iske asyrý yqpal etti», - deıdi ol.
Sonynmen qatar, Ulttyq bank basshysynyń orynbasary, aýqymdy fıskaldyq jáne kvazıfıskaldyq yntalandyrý ekonomıkany qalpyna keltirýde mańyzdy ekenin aıtty.
«Inflıatsııanyń ósimi sekildi monetanyń keri jaǵy da bar, oǵan jedel tutynýshylyq ımporttyń 30%-ǵa ósýin qosyńyz. Bul, árıne, tólem balansynyń aǵymdaǵy shotyna teris áser etedi. Ókinishke qaraı, Qazaqstanda óndirilgen taýarlar tizbegi shekteýli jáne negizinen shıkizatpen usynylǵan. Bul 2015 jyldan beri baıqalyp kele jatqan tólem balansynyń aǵymdaǵy shotynyń turaqty tapshylyǵyna baılanysty. Osyǵan oraı bizde fıskaldyq qoldaýdyń bir bóligin ımport joıady jáne qajetti nátıje bermeıdi. Ekonomıkany qalpyna keltirý úshin túbinde báribir qaýip saqtalatynyn aıtý kerek. Álemniń kóptegen elderinde COVID-19-ben aýyrǵandar taǵy da óse tústi. Bul jaǵdaı Qazaqstanda da bar. Shekteý sharalary qaıta jandanýda, bul óz kezeginde qyzmetter men ónerkásiptegi iskerlik belsendilikke teris áser etpeı qoımaıdy», - dep óz baǵamyn jasady bank ókili.
A. Baımaǵambetov bazalyq mólsherlemeni arttyrý ekonomıkanyń turaqty ósýine áser etetinin jáne ekonomıkalyq belsendiliktiń shamadan tys artý táýekelin azaıtatyny týraly paıymyn alǵa tartty.
Buǵan deıin habarlamaǵanymyzdaı, QR Ulttyq banki tóraǵasynyń orynbasary Aqyljan Baımaǵambetov QazAqparat tilshisine eksklıýzıvti suhbat berdi.
Onyń tolyq nusqasyn tómendegi vıdeodan tamashalaýǵa bolady.
