Ulttyq bank dollardyń teńge baǵamyna áserin tómendetýge múddeli

ALMATY. QazAqparat - QR Ulttyq banki dollardyń teńge baǵamyna yqpalyn joıyp, qor naryǵyna qatysý múmkindigin azaıtýǵa múddeli, dep habarlaıdy QazAqparat tilshisi. Bul týraly QR Ulttyq banki tóraǵasynyń orynbasary Janat Qurmanov Halyqaralyq valıýtalyq qordyń «Aımaqtyq ekonomıkanyń damý perspektıvalary» zertteý jobasynyń tanystyrylymynda aıtty, dep habarlaıdy QazAqparat tilshisi.

Bank ókiliniń aıtýynsha, Ulttyń bank teńgeniń dollarǵa shaqqandaǵy erkin baǵamyna aralasý protsesin azaıtyp kele jatyr

«Qazirgi saıasat suranys pen usynys arasyn retteýge baǵyttalǵan. Bul sonymen qatar, Ulttyq banktiń altyn valıýtalyq rezervin únemdeýge múmkindik bermek. Eń aldymen Ulttyq banktiń mindeti - teńgeni turaqtandyrý. Bul saıasatty júzege asyrýda teńgeniń dollarǵa shaqqandaǵy baǵamyn erkin jiberý tıimdiligin kórsetpek», - dedi Qurmanov.

Onyń aıtýynsha, sáýir jáne mamyr aıyndaǵy teńge baǵamynyń qubylmalyǵynyń da Ulttyq bankke qatysy joq.

«Syrtqy faktorlarǵa kelsek, birqatar makroekonomıkalyq kórsetkish bar. Olardyń keıbiri energııa tasymal baǵasyna, saýda balansynyń jaǵdaıy, seriktes elderdiń ekonomıkalyq ahýaly sııaqty syrtqy faktorlar da teńge baǵamyna yqpal etedi. Reseı - Qazaqstannyń iri saýda áriptesi. Reseıge salynǵan sanktsııanyń bizge de salqyny tıedi. Rýbldiń 10%-ǵa tómendeýi teńgeniń 3%-ǵa qunsyzdanýyna ákeldi», - dedi Janat Kurmanov.