Ulttyq bank dızaıny ózgergen 2 myń teńgelik banknotty aınalysqa shyǵardy
Bul týraly Ulttyq banktiń baspasóz qyzmetinen málim etti.
Dızaıny ózgergen nomınaldyq quny 2 000 teńgelik banknot ólshemi 139h73 mm qaǵazda daıyndalǵan.
Oń beti: basym tústeri - qoıý jáne ashyq jasyl, sýretter negizinen tiginen ornalasqan. Negizgi beıneler: banknottyń oń jaǵynda «Qazaq Eli» monýmenti jáne tómengi bóliginde ortada ushyp júrgen kepterdiń beınesi. Banknottyń tómengi bóliginde túsi aýysyp turatyn boıaýmen jasalǵan kıiktiń beınesi. Joǵary bóliginde Qazaqstan Respýblıkasynyń memlekettik nyshandary: Memlekettik Eltańba jáne Memlekettik Tý beınelengen. Sol jaqta tómende jáne joǵary jaqta nomınaldyń tsıfrlyq belgilenýi basylǵan, sol jaqta ortada - nomınaldyń memlekettik tildegi áriptik belgilenýi jazylǵan. «QAZAQSTAN ULTTYQ BANKІ» degen jazý sol jaq joǵarǵy buryshta ornalasqan, onyń astynda qoldan jasaǵany úshin jaýapkershilik týraly eskertetin memlekettik tilde «Banknottardy qoldan jasaý zańmen qýdalanady» degen jazý bar.
Teris beti: basym tústeri - qoıý jáne ashyq jasyl, sýretter negizinen kóldeneńinen ornalasqan. Negizgi beıne: Ertis ózeni beınelengen Qazaqstan kartasynyń kórinisi. Oń jaq bólikte nomınaly, stıldendirilgen kıiz úı jáne Memlekettik Týdyń beıneleri bar eni 13 mm golografııalyq jolaq ornalasqan. Sol jaqta tómende, oń jaqta joǵaryda jáne tómen banknot nomınalynyń tsıfrlyq belgilenýi, al tómende ortasyna qaraı - orys tilinde áriptik belgilenýi ornalasqan. Joǵaryda ortada «QAZAQSTAN ULTTYQ BANKІ» degen jazý, sol jaq tómengi buryshta «Poddelka banknot presledýetsıa po zakoný» degen jazý ornalasqan.
