Ulttyq bank «Delta Bank-tiń» banktik operatsııalardy júrgizý lıtsenzııasyn jańartty

ASTANA. QazAqparat - Búgin «Delta Bank» aktsıonerlik qoǵamyna jeke tulǵalardyń depozıtterin qabyldaý, bank shottaryn ashý bóliginde banktik jáne ózge de operatsııalardy júrgizýge jáne baǵaly qaǵazdar naryǵyndaǵy qyzmetti júzege asyrýǵa berilgen lıtsenzııanyń qoldanylýyn jańartý týraly» Qazaqstan Respýblıkasy Ulttyq Banki Basqarmasynyń № 318 qaýlysy qabyldandy.

Bul qaýlymen 2016 jylǵy 29 jeltoqsannan bastap «Delta Bank» AQ-qa (budan ári - Bank) jeke tulǵalardyń depozıtterin qabyldaýdy, bank shottaryn ashýdy qaıta júzege asyrýǵa ruqsat berildi, dep habarlaıdy QR Ulttyq bankiniń baspasóz qyzmeti.

Qaýly Qazaqstan Respýblıkasy Prezıdentiniń 2003 jylǵy 31 jeltoqsandaǵy № 1271 Jarlyǵymen bekitilgen Qazaqstan Respýblıkasynyń Ulttyq Banki týraly erejeniń 23-tarmaǵynyń 31) tarmaqshasy negizinde, Banktiń aktıvterdiń sapasyn jaqsartýǵa, táýekelderdi basqarý jáne ishki baqylaý júıelerin jetildirýge baǵyttalǵan birqatar is-sharalardy júrgizýi týraly ótinishin jáne rastaıtyn qujattaryn qaraý qorytyndylary boıynsha, sondaı-aq Bank aktsıonerleriniń Banktiń ótimdiligin qoldaý jáne qosymsha kapıtaldandyrý boıynsha ózderine qabyldaǵan mindettemelerin eskere otyryp qabyldandy.