Ulttyq bank daryndy jastardy jumysqa shaqyryp jatyr
NUR-SULTAN. QazAqparat - QR Ulttyq banki óziniń kadrlyq rezervin qalyptastyrý úshin irikteý jumysyn bastady, dep habarlaıdy QazAqparat tilshisi.
«Qazaqstan Respýblıkasynyń Ulttyq banki QR Ulttyq bankiniń kadr rezervin qalyptastyrý úshin irikteýdi bastaǵanyn habarlaıdy. Joǵary oqý oryndarynyń daryndy ári bolashaǵy zor túlekterin jáne jumys tájirıbesi bar bilikti mamandardy shaqyramyz. Úmitkerlerdi tańdaý kezinde: tıisinshe bilimniń bolýy, biliktiliginiń joǵary deńgeıi, jumys tájirıbesi, halyqaralyq qarjy jáne til úırený sertıfıkattarynyń bolýy, sondaı-aq úmitkerdiń áleýeti negizgi ólshemsharttar bolyp sanalady», - delingen bank taratqan aqparatta.
Eń úzdikterdi tańdaý kezeń-kezeńimen irikteý arqyly qamtamasyz etiledi. Úmitkerlerge túıindeme, esse jazý jáne irikteýdiń birneshe satysynan ótý usynylady. Túıindeme men esseni qaraý nátıjesi boıynsha iriktelgen úmitkerler adam kapıtalyn damytý bólimshesimen áńgimelesýge shaqyrylady. Ol psıhologııalyq testileýden, Ulttyq banktiń múddeli bólimsheleriniń basshylarymen áńgimelesýden turady. Іrikteý jeńimpazdary Ulttyq banktiń kadr rezervine alynady jáne bir jyl ishinde Ulttyq bankke jumysqa ornalastyrylýy múmkin. Ulttyq banktiń kadr rezervine alynǵan adamdardyń bekitilgen tizimi banktiń resmı ınternet-resýrsyna ornalastyrylady.
Bos laýazym oryndaryna qatysty aqparat jáne olarǵa qoıylatyn talaptarmen banktiń www.nationalbank.kz resmı saıtynan tanysa alasyzdar.
