Ulttyq bank tsıfrlyq valıýtany engizýge qatysty zertteý jumystarynan habardar etti

NUR-SULTAN. QazAqparat – Májilistegi Úkimet saǵatynda QR Ulttyq banki tóraǵasynyń orynbasary Berik Sholpanqulov tsıfrlyq valıýtany engizýge qatysty zertteý jumystary týraly aıtty, dep habarlaıdy QazAqparat tilshisi.

«2020 jyldyń qarasha aıynda QR Ulttyq banki 28 eldegi ortalyq bankter qamtylǵan halyqaralyq qatysýshylar quramynda ulttyq tsıfrlyq valıýtany engizý máselesin zertteýge kiristi. Bul baǵyttaǵy jumystardy keıinge shegerý bolǵan joq, Ulttyq bank josparly mindetti oryndap keledi. 2021 jyldaǵy pılot jobasy qorytyndysy boıynsha Ulttyq banktiń portalynda baıandamany ornalastyrdyq, onda qarjy naryǵy men halyqaralyq sarapshylardyń qatysýymen birlese tehnologııalyq qadamdar ázirlendi», - dedi B. Sholpanqulov Májilistegi Úkimet saǵatynda.

Onyń aıtýynsha, Memleket basshysynyń tapsyrmasyna sáıkes, 2022 jyldyń 1 shildesine qaraı tıisti model daıarlanady. Bul óz kezeginde tsıfrlyq valıýtanyń qajettigi boıynsha barynsha teńdestirilgen qadamdar, sondaı-aq jobany iske asyrýdyń ońtaıly jospary eskerilmek.

«Sondyqtan bul baǵyttaǵy jumystar Ulttyq bank júrgizip jatqan zertteýdiń bekitilgen josparyna sáıkes atqarylyp jatyr», - dep túsindirdi B. Sholpanqulov.

Budan buryn habarlanǵandaı, Tsıfrlyq teńge úlgisi 2022 jyldyń ortasynda daıyn bolady.