Ulttyq bank BJZQ zeınetaqy aktıvterin qaıda ınvestıtsııalady
ALMATY. QazAqparat – Qazaqstannyń Ulttyq banki BJZQ zeınetaqy aktıvteri boıynsha 2019 jylǵy qazanǵa arnalǵan ınvestıtsııalyq qyzmetke qysqasha sholýdy usyndy, dep habarlaıdy QazAqparat tilshisi Ulttyq banktiń baspasóz qyzmetine silteme jasap.
2019 jylǵy 1 qarashadaǵy jaǵdaı boıynsha BJZQ zeınetaqy aktıvteri portfeliniń kólemi 10 564,4 mlrd teńgeni qurady. Aqsha qarajaty jáne teńgege aınaldyrylǵan qarjy quraldary 6 949,8 mlrd teńgeni nemese 65,8%-dy, shetel valıýtasyna aınaldyrylǵan qarjy quraldary 3 614,6 mlrd teńgeni nemese 34,2%-dy qurady.
2019 jylǵy qazanda teńgege aınaldyrylǵan zeınetaqy aktıvterin ınvestıtsııalaý kólemi 192,03 mlrd teńge boldy. Onyń ishinde: QR Qarjy mınıstrliginiń jyldyq 9,6% ortasha alynǵan kiristiligi bar jalpy somasy 12,88 mlrd teńgege memlekettik baǵala qaǵazdary (MBQ) satyp alyndy; «QTJ» UK» AQ-tyń jyldyq 11,5% kiristiligi bar 170,0 mlrd teńge turatyn oblıgatsııalary satyp alyndy; QR EDB arqyly 600 mlrd teńge somaǵa basym jobalardy kredıtteý tetigi sheńberinde 7,50 mlrd. teńge somasyna «Alfa-Bank» EB» AQ-tyń jáne «Agrarlyq nesıe korporatsııasy» AQ-tyń jyldyq 10,75% kiristiligi bar 1,65 mlrd teńgege aınaldyrylǵan oblıgatsııalary satyp alyndy.
2019 jyldyń qazan aıynda shetel valıýtasymen kórsetilgen zeınetaqy aktıvterin ınvestıtsııalaý kólemi 267,6 mlrd teńgeni qurady. Esepti kezeńde jyldyq 1,65% ortasha alynǵan kiristilikpen 238,5 mlrd. teńge kólemde AQSh-tyń qysqamerzimdi MBQ satyp alyndy. Qarastyrylyp otyrǵan kezeńde mynadaı elderdiń MBQ-men satyp alý-satý mámileleri jasaldy: Reseı Federatsııasy, Fılıppın, Perý, Indonezııa, Meksıka, Brazılııa. Netto-satý kólemi qarastyrylyp otyrǵan kezeńde 131 mlrd teńgeni qurady.
Qarastyrylyp otyrǵan kezeńde «A» jáne odan joǵary kredıttik reıtıngpen iri halyqaralyq ınvestıtsııalyq bankter qatarynda 6 aıdan 9 aıǵa deıinge merzimge 327 mln AQSh dollary kóleminde USD/JPY valıýtalyq mámileler jasaldy.
Bul mámileler naryqtyq jaǵdaılarda zeınetaqy aktıvteriniń kiristiligin arttyrý maqsatynda jasaldy. Osy mámileler sheńberinde BJZQ-nyń zeınetaqy aktıvteri portfeline 35,3 mlrd japon ıeni alyndy.
