Ulttyq bank «BUǴY» kollektsııalyq monetasyn aınalymǵa shyǵarady

Ulttyq bank «Ǵıbadatty janýarlar – kóshpendilerdiń totemi» toptamasynan nomınaly 5 000, 500, 200 jáne 100 teńgelik «BUǴY» kollektsııalyq kúmis monetany aınalymǵa shyǵarady. Satylymǵa shyǵatyn kúni Ulttyq bank saıtynda qosymsha habarlanady.

Onyń dızaıny «saqtardyń ańdar stıli» ispetti allegorııalyq úlgide janýarlardyń tabıǵı jáne trafaretti túrlerin úılestire otyryp jasalǵan.

Buǵy – kóshpeli halyqtyń seniminde eń qasıetti janýardyń biri. Prototúriktterdiń seniminde bul totem ata-baba retinde qarastyrylyp, urpaqtar jalǵasyn áspettegen.

Nomınaly 5000 teńgelik jáne 500 teńgelik «BUǴY» monetasy altyn jáne gaýhar tas jalatý tehnologııasyn paıdalana otyryp, kúmisten jasalǵan. Monetanyń beti men syrt kelbeti birdeı sýretpen beınelengen.

Nomınaly 200 teńge jáne 100 teńge «BUǴY» monetalary MH25 melhıor qorytpasynan «rroof-like» jáne «brilliant uncirculated» sapada daıyndalǵan. «Rroof-like» sapadaǵy monetaǵa altyn jalatý tehnologııasy qoldanylǵan.

Nomınaly 5 000 teńgelik monetalar 925 synamaly kúmisten jasalǵan, salmaǵy – 25 ýntsııa (777,5 gr.), dıametri – 100 mm, dıametri 1 mm gaýhar ornatylǵan, «proof» sapada daıyndalǵan, taralymy – 250 dana;

500 teńgelik monetalar 925 synamaly kúmisten jasalǵan, salmaǵy – 31,1 gr., dıametri – 38,61 mm, dıametri 1 mm gaýhar qoıylǵan, «proof» sapada daıyndalǵan, taralymy – 3 500 dana;

200 teńgelik monetalar melhıor qorytpasynan jasalǵan, salmaǵy – 15 gramm, dıametri – 33 mm, «rroof-like» sapada daıyndalǵan, taralymy – 7 000 dana;

100 teńgelik monetalar melhıor qorytpasynan jasalǵan, salmaǵy – 11,17 g., dıametri – 31 mm, «brilliant uncirculated» sapada jasalǵan, taralymy – 30 000 dana.

Kollektsııalyq monetalar Qazaqstan teńge saraıynda jasalǵan.