Ulttyq bank boljamy: Qazaqstanda aldaǵy eki jylda ınflıatsııa tómendeıdi

MÁSKEÝ. QazAqparat - Qazaqstan Ulttyq banki eldegi ınflıatsııany osy jyldyń aıaǵynda 5-7% jáne 2019 jyldyń sońynda 4-6% deńgeıinde bolady dep boljaýda. Bul týraly Máskeýdegi «QazAqparat» HAA menshikti tilshisine QR Ulttyq bankiniń tóraǵasy Danııar Aqyshev Reseı astanasynda ótken EAEO qatysýshy-memleketterdiń valıýtalyq saıasat jónindegi Konsýltatıvtik keńesiniń otyrysy barysynda habarlady.

QR Ulttyq banki tóraǵasynyń aıtýynsha, bazalyq mólsherlemeni tómendetý týraly sheshimder 2017 jylǵy oń nátıjelerge jáne bıylǵy ahýaldyń qolaıly damýyna baılanysty.

«Aǵymdaǵy jyly bazalyq mólsherlemeni tómendetý týraly sheshim 2018 jyly ınflıatsııalyq bojamdardyń tómendeýi, sondaı-aq syrtqy naryqtarda jáne saýda seriktesterinde oń úrdisterdiń ornyǵýy aıasynda boljaldy ınflıatsııa kórsetkishterin jaqsartýǵa baılanysty bolǵan», - dedi D.Aqyshev.

Sondaı-aq, qarjy retteýshiniń basshysy atap ótkendeı, jalpy Ulttyq bank burynǵysha aqsha-nesıeleý sharttarynyń beıtaraptyǵyna umtylýda.

«Bazalyq mólsherleme deńgeıiniń aǵymdaǵy traektorııasy ınflıatsııa boıynsha bizdiń qysqa merzimdi jáne uzaq merzimdi kezeńderdegi boljamdarymyzdy esepke ala otyryp jasalǵan jáne ol osy jyldyń aıaǵynda 5-7% jáne 2019 jyldyń sońynda 4-6% ınflıatsııaǵa arnalǵan maqsatty kórsetkishterge qol jetkizýge yqpal etedi», - dedi D.Aqyshev.