Ulttyq bank Bolat Ótemuratovqa «Temirbank» pen «Alıans banktiń» iri qatysýshysy mártebesin alýǵa kelisimin berdi

Bul týraly Ulttyq banktiń Qarjy naryǵyn jáne qarjy uıymdaryn baqylaý men qadaǵalaý komıtetinen habarlady.

«Ulttyq banktiń basqarmasy 2014 jylǵy 20 naýryzdaǵy «Bolat Jamıtuly Ótemuratovqa «Temirbank» aktsıonerlik qoǵamy men «Alıans Bank» aktsıonerlik qoǵamynyń iri qatysýshysy mártebesin berý týraly» №34 qaýlysyn qabyldady», - delingen habarlamada.

Bunyń aldynda málim bolǵanyndaı, «Samuryq-Qazyna» AQ «Temirbank» AQ men «Alıans bank» AQ úlesin Bolat Ótemuratovqa satýǵa kelisken bolatyn.

Taraptar «Temir banktiń» 79.88% jaı jáne artyqshylyqty aktsııalaryn jáne «Alıans banktiń» 16 % jaı jáne artyqshylyqty aktsııalaryn satýǵa kelisim berdi. Kelisim nátıjesinde «Samuryq-Qazyna» AQ «Alıans Banktiń» 51 % jaı jáne artyqshylyqty aktsııasyn ıelenip qalady.