Ulttyq bank bolashaqta jeńildetilgen qarjylandyrý jobalaryna qatyspaıtyn bolady

ASTANA. QazAqparat – Keleshekte Ulttyq bank jeńildetilgen qarjylandyrý jobalaryna qatyspaıtyn bolady. QR Ulttyq bankiniń tóraǵasy Ǵalymjan Pirmatov taratylǵan Májilis depýtattarynyń saýalyna bergen jaýabynda aıtyldy, dep habarlaıdy QazAqparat tilshisi.

«Bolashaqta Ulttyq banktiń jeńildetilgen qarjylandyrý jobalaryna qatysýy josparlanbaıdy. Ulttyq bank naryqtyq jaǵdaılarda qarjy sektory sýbektileriniń ekonomıkany kredıtteýi úshin qajetti jaǵdaılar men yntalandyrýlar jasaý jónindegi jumysty jalǵastyrady», - dep jazylǵan jaýapta.

Budan bylaı Kásipkerlik sýbektilerin memlekettik qoldaýdyń jol kartasy ázirlenip, qazir qoldanysta júrgen baǵdarlamalar birtindep toqtatylmaq.

«Sonymen qatar Úkimet, Ulttyq Bank jáne Qarjy naryǵyn retteý jáne damytý agenttigi (budan ári – Agenttik) arasyndaǵy 2021 – 2023 jyldarǵa arnalǵan makroekonomıkalyq saıasat sharalaryn úılestirý týraly Kelisimde bes jyldyq kezeńge Jol kartasyn ázirleý arqyly kásipkerlik sýbektilerin memlekettik qoldaýdy kezeń-kezeńimen toqtatý kózdelgenin atap ótken jón», - dep jazady Ulttyq bank basshysy.