Ulttyq bank bıyl 60 tonna altyn satyp almaq
ALMATY. QazAqparat – QR Ulttyq banki tóraǵasynyń orynbasary Álııa Moldabekova aqpan aıynda Ulttyq qordan aýdarymdar týraly málimetterdi jarııalady. Sondaı-aq Ulttyq banktiń altyn satyp alý josparlary týraly aıtyp berdi, dep habarlaıdy QazAqparat tilshisi.
«Aqpan aıynda Ulttyq qordan bıýdjetke alynatyn transfert 263 mlrd teńgeni qurady. Kepildendirilgen transfertti qamtamasyz etý úshin 462,5 mıllıon dollar nemese 175 mıllıard teńge satyldy. Barlyq kólemdi bir aıdyń ishinde bırjada sattyq «, - dedi Ulttyq bank tóraǵasynyń orynbasary.
Sondaı-aq, ol valıýtalyq ınterventsııanyń áseri týraly aıtty.
«Aldyn ala málimetter boıynsha, rezervter bir aıda 550 mln dollarǵa artyp, 29,9 mlrd dollardy qurady. Qorlardyń valıýtalyq bóligi 104 mln dollarǵa tómendep, 9,6 mlrd dollarǵa jetti. Bul altyn portfeliniń qunyn 658 mln dollardan 20,3 mlrd dollarǵa deıin ulǵaıtýmen tolyqty. Óz kezeginde, altyn aktıvteri 1580 dollardan 1626 dollarǵa deıin ósti. Bul álemdik ekonomıkanyń baıaýlaýyna jáne tazartylǵan altynnyń fızıkalyq kóleminiń 1,7 tonnaǵa artýyna baılanysty boldy «, - dedi Álııa Moldabekova.
Aqpan aıynda jergilikti óndirýshilerden 3,6 tonnaǵa jýyq altyn satyp alyndy, onyń ishinde jańa tujyrymdama aıasynda 1,9 tonna Ulttyq qorǵa satyldy.
«Ózimizdiń elde óndirilgen altyndy satyp alýdy jalǵastyramyz. 2019 jyly shamamen 57 tonna altyn satyp alyndy, bıyl 60 tonnaǵa jýyǵyn satyp alýdy josparlap otyrmyz. Álemdik qarjy naryǵyndaǵy belgisizdik jaǵdaıynda qazir altyn halyqaralyq rezervterdiń saqtalýyn qamtamasyz etetin qaýipsiz aktıvtiń biri ekenin kórsetedi», - dedi Á.Moldabekova.
Sonymen qatar, ol altyn valıýta aktıvteri men Ulttyq qorǵa arnalǵan ınvestıtsııalyq strategııalardyń jobasy týraly aıtyp berdi.
«Altyn valıýta aktıvteri turǵysynan alǵanda AQSh dollarynyń úlesi 52% -dan 62% deıin ósti. Bul koreı vony men japon ıenasyna salynǵan ınvestıtsııalardyń azaıýyna baılanysty bolyp otyr. Jańa valıýtany bólý táýekeldiń qalypty deńgeıinde aktıvterdiń kiristiligin arttyrady. Ulttyq qor jınaq portfeliniń 1% deıin Qytaıdyń memlekettik oblıgatsııalaryn ınvestıtsııalaýdy josparlap otyr. ıÝan álemdik kapıtal naryǵynyń ajyramas bóligine aınalýda. Álemdik ındeksterge qytaıdyń baǵaly qaǵazdaryn qosý ınstıtýtsıonaldy ınvestorlar tarapynan suranystyń artýyna ákelýi múmkin. Bul ózgerister rentabeldilikti arttyryp qana qoımaı, aktıvterdi strategııalyq bólýdi ońtaılandyrady», - dedi Ulttyq bank tóraǵasynyń orynbasary.
