Ulttyq bank bazalyq mólsherlemeni tómendetýi tıis - Tımýr Kulybaev
ASTANA.QazAqparat - «Atameken» ulttyq kásipkerler palatasynyń prezıdıým tóraǵasy Tımýr Qulybaev QR Ulttyq bankti bazalyq mólsherlemeni tómendetýge úndedi. Osynyń arqasynda otandyq kásipkerler EAEO aıasyndaǵy básekege tótep bere alady, dep habarlady QazAqparat tilshisi «Atameken» Ulttyq kásipkerler palatasyna silteme jasap.
«Biz ózimizdiń Ulttyq bankimizdi belsendi, tipti asa belsendi bolýǵa shaqyramyz. Eger Reseıdiń Ortalyq banki bazalyq mólsherlemeni 9,25 paıyzǵa túsirse, onda biz odan da tómen mólsherlemeni qoıýymyz qajet. Qazaqstandyq kásipkerlerde bir basymdyq bolýy kerek qoı», - dedi Qulybaev Jambyl oblysynda ótken kezdesý kezinde.
Aıta keteıik, bıyl 28 sáýirde RF Ortalyq banki bazalyq mólsherlemeni 9,25 paıyzǵa deıin tómendetý týraly sheshim qabyldady. Al Qazaqstanda bazalyq mólsherleme 11 paıyzdy qurap otyr. Búginde osy mólsherlemeniń kólemi halyq alatyn nesıelerdiń mólsherlemesine de tikeleı áser etedi. Sebebi ekinshi deńgeıli bankter Ulttyq banktiń qarajatyn bazalyq mólsherlememen qaryzǵa alyp otyrady.
