Ulttyq bank bazalyq mólsherlemeni kóterýge daıyn - Aqyljan Baımaǵambetov
ALMATY. QazAqparat - Ulttyq bank tóraǵasynyń orynbasary Aqyljan Baımaǵambetov bazalyq mólsherleme deńgeıin ustap turýdyń sebepterin aıtty, dep habarlaıdy QazAqparat tilshisi.
Onyń aıtýynsha, qazir ekonomıkada ınflıatsııalyq faktorlardyń áseri basym. Syrtqy ınflıatsııalyq qysym álemdik saýda baǵalarynyń ósýine jáne Qazaqstannyń saýda seriktes elderindegi ınflıatsııanyń jedeldeýine baılanysty. Іshki sektorda ınflıatsııanyń jedeldeýine janar-jaǵarmaı materıaldary baǵasynyń ósýi jáne energııa óndirýshi uıymdardyń tarıfteriniń ósýi áser etedi.
«Osyǵan baılanysty ınflıatsııalyq boljamdar ınflıatsııalyq kútýlerdiń turaqsyzdyǵy jaǵdaıynda ekinshi ınflıatsııalyq áser etý yqtımaldyǵyn arttyrady, ınflıatsııanyń tómendeýin baıaýlatýy múmkin jalpy ınflıatsııalyq jaǵdaılardy ósirip jiberedi. Soǵan qaramastan, kelesi jyly biz ınflıatsııanyń ishki faktorlarynyń áseri taýsylyp, syrtqy ınflıatsııalyq qysym álsireıdi dep kútemiz»,-deıdi Aqyljan Baımaǵambetov.
Osylaısha, Ulttyq bank ınflıatsııany tómendetý traektorııasynyń birtindep turaqtanýyn eskere otyryp, bazalyq mólsherlemeni 9% deńgeıinde saqtap qalý týraly sheshim qabyldady. Bazalyq mólsherlemeniń bul deńgeıi ınflıatsııany baqylaýdy saqtaýǵa jáne ony orta merzimdi perspektıvada júıeli tómendetýdi qamtamasyz etýge múmkindik beredi.
«Ulttyq bank syrtqy sektordaǵy jáne ishki ekonomıkadaǵy jaǵdaıdy muqııat baqylap otyrǵanyn jáne ınflıatsııalyq faktorlar qysymynyń odan ári artýy jáne boljamdy baǵalaýlarmen salystyrǵanda dezınflıatsııanyń baıaýlaýy jaǵdaıynda daıyn ekendigin atap ótkim keledi»,-deıdi ol.
