Ulttyq bank bazalyq mólsherlemeni kótergen joq
Ulttyq banktiń habarlaýynsha, tıisinshe ótimdilikti usyný jónindegi turaqty qoljetimdi operatsııalar boıynsha mólsherleme 10,75%, al ótimdilikti alý jónindegi turaqty qoljetimdi operatsııalar boıynsha mólsherleme 8,75% bolady.
Jalpy ınflıatsııa baıaýlaýynyń baıqalǵan belgilerin, sondaı-aq koronavırýstyń jańa shtammy – omıkronǵa qatysty belgisizdiktiń artýyn jáne onyń ınflıatsııalyq protsesterge, syrtqy jáne ishki suranysqa áserin eskere otyryp sheshim qabyldandy.
Suranystyń usynys múmkindikterinen asyp ósýi nátıjesinde baǵanyń ósýin tejeý boıynsha qabyldanyp jatqan sharalarǵa qaramastan, kóptegen elderde ınflıatsııany jedeldetý úrdisi saqtalyp otyr. Qytaıdan basqa, negizgi saýda áriptesterine jatatyn elderde ınflıatsııa tarıhı eń joǵary mólsherde qalyptasady. Qazaqstanda baǵanyń ósýi de joǵary deńgeıde bolyp tur. Azyq-túlik ınflıatsııasy men aqyly qyzmetter ınflıatsııasynyń birshama baıaýlaýy azyq-túlikke jatpaıtyn taýarlar baǵasynyń ósýimen óteldi. Halyqtyń joǵary ınflıatsııalyq kútýleri qolda bar ınflıatsııalyq aıany kúsheıtedi. Shıkizat naryqtaryndaǵy salystyrmaly túrde joǵary baǵalar men karantın shekteýlerin jeńildetý aıasynda ishki ekonomıka belsendi túrde qalpyna kelýde.
Eske salsaq, qazan aıynda Ulttyq bank bazalyq mólsherlemeni 9,75% deıin kótergen bolatyn.