Ulttyq Bank bazalyq mólsherlemeni burynǵy 11% deńgeıinde qaldyrdy

ASTANA. QazAqparat - Qazaqstanda bazalyq mólsherleme paıyzdyq mólsherleme aýytqýynyń +/-1% dálizimen 11% deńgeıinde saqtaldy. Bul týraly búgin Almatyda televızııalyq arna tilshilerine arnalǵan brıfıng kezinde Qazaqstan Ulttyq bankiniń tóraǵasy Danııar Aqyshev habarlady.

Ótimdilik berý operatsııalary boıynsha mólsherlemeler 12%-dy, al ótimdilikti alý operatsııalary boıynsha 10%-dy qurady.
«Inflıatsııa boljamdy jáne maqsatty aralyqta saqtalýda. Jyl basynan beri baıqalǵan iskerlik belsendilik, ishki qarjylyq naryqtaǵy jaǵdaıdyń turaqtalýy keleside bazalyq mólsherlemeniń odan da tómen deńgeıge túsirilýi bolýy yqtımal», - dedi Aqyshev.

Onyń sózinshe, naýryz qorytyndysy boıynsha, jyldyq ınflıatsııanyń kólemi 7,7 protsentke deıin tómendegen.

«Halyqtyń ınflıatsııalyq úreıi saıabyrsydy. Inflıatsııanyń jyldyq boljamdardyń sapalyq baǵalaýy naýryz aıynda 6,1 protsentti qurady. Osylaısha, halyqtyń ınflıatsııalyq boljamy ınflıatsııanyń naqty deńgeıinen tómen bolyp otyrǵanyn kóremiz», - dep atap ótti Ulttyq bank basshysy.

Aıta keteıik, 2016 jyly QR Ulttyq banki bazalyq mólsherlemeni birneshe ret tómendetken bolatyn. 2016 jylǵy naýryzda bazalyq mólsherlemeniń 17% deńgeıinde saqtalatyny habarlandy, al mamyrda Qazaqstan Ulttyq Banki ony 15%-ke deıin tómendetti. Shildede bazalyq mólsherleme 13%-ke deıin, al 2016 jylǵy qazanda 12,5%-ke deıin tómendetildi. 2016 jylǵy bazalyq mólsherleme boıynsha Qazaqstan Ulttyq Banki onyń 12%-ke deıin tómendetilgenin 14 qarashada habarlaǵan bolatyn. Al 2017 jyldyń 20 aqpanynda bazalyq mólsherleme kórsetkishi 12 protsentten 11 protsentke deıin tómendetilgen bolatyn.

Bazalyq mólsherleme boıynsha kelesi sheshim 2017 jylǵy 5 maýsymda Astana ýaqyty boıynsha saǵat 17-00-de habarlanady.